Epangelo laNamibia nolaBotswana ova twa oukuni kumwe opo va longe ovakwashiwana moilongo aishe ivali kombinga yomalinyengo noinyangadalwa ihe li paveta hai ningwa keengaba.
Omapangelo aa okwa patulula oshinyangadalwa eshi shokulonga ovanhu pefimbo loshiindingili sha li koKasane.
O m i n i s t a y e ame n o moBotswana Kagiso Mmusi oya ti oilongo ei ivali oya kala ya taalela omashongo keengaba dopokati kayo oo a kwatela mo ekwato leeshi lihe li paveta, etauluko leengaba lihe li paveta, oshoye eteyo leehotela ile eeloodja odo di li komukunghulo womulonga waChobe nowaZambezi oshoyo oulunga woimuna noukongo uhe li paveta.
Oilonga ihe li paveta ei oyo ya eta opo okakomisi kedina Botswana-Namibia Commission ka yandje elombwelo muSeptemba 2022 kutya omatanga eameno moilongo aishe ivali naa uye po noshinyangadalwa shi na sha novakwashiwana, unene ovo hava di momukunghulo weengaba.
Mmusi ta ti oshinyangadalwa eshi otashi ka kala ko okudja momafiku 9 fiyo 12 Juli neudo. Ta ti oshinyangadalwa eshi otashi ka eta oukumwe nelongelokumwe pokati koilongo ivali pamukalo wokulonga ovakalimo keengaba moNamibia nomoBotswana.
Oshinyangadalwa shikwao tashi ka ningwa pokati komafiku a6 fiyo 9 Aguste otashi ka lalakanena e k andu l op o lomu kundu molwoupyakadi woita pokati kovanhu noinamwenyo. Apa ovanhu otava ka hongwa nghene ve na okukala momudingonoko umwe noinamwenyo, ta ti ngaho.
“Oushitwe wetu wa yambapala oo oshinima shondilo nowa pumbwa okuamenwa. Oshinyangadalwa eshi otashi ka honga ovakwashiwana kombinga yonakwiiwa yetu noimeno noinamwenyo noshoyo omauwa opashimaliwa oo taa di mekalekopo loushitwe. Ngeenge hatu longo ovanhu ohole youshitwe ohatu fi oshisho kutya oushitwe wetu owa amenwa notau ka tyapulwa yoo komapipipi nomapipi tae ya,” Mmusi ta ti
Moshipopiwa shaye, Minista weameno moNamibia Frans Kapofi okwa ti oilongo aishe ivali otai dulu okukaleka onghalo oyo melandulafano, novakwashiwana ovo hava di komukunghulo weengaba nava kele ve na mo onhumbu moshinyangadalwa osho.
“Ekufombinga lavo neshivo l avo la wana kombi nga yeameno nekalekopo loushitwe keengamba oyo oshinima shakula kefindano lomatanga eameno moshinyangadalwa omu,” Kapofi ta ti.
E p a t u l u l o e t i v a l i loshinyangadalwa osho tuu eshi ola ningwa onghela koKatima Mulilo moshitukulwa shaZambezi.
-Nampa