Oshiputundhilo shopombanda shuunongononi niikwaingomba (Nust) mEtitano tu uka otashi ka gandja onzapo onkatu yuundohokola kOhamba yUukwanyama, meekulu Martha Mwadinomho Kristian Nelumbu.
Omunawino melongo Efigenia Semente okwa ti, shoka otashi ningwa okutumbaleka noku meekulu Mwadinomho omolwa iilonga ye yongushu oshowo uuwanawa a ningile oshigwana.
“Ohamba otayi simanekelwa omayakulo ya kala noku gandja moshigwana, oshowo sho a lundulula oonkalo dhimwe ngaashi ekandulepo lyondjala, uuthike pamwe okugandja iipalutha oshowo kehe shoka inaashi u ka,” ta fatulula ngaaka. Ta hokolola kutya ohamba oya e ta omalunduluko ngoka ga yambulitha po oshitopolwa shaHangwena.
Omolwa oondungethaneko a gandja oshowo oonkundathana a yi mu dho naaleli ya yooloka, oshindji osha holoka, nosha lundulula oonkalomwenyo dho yendji.
“Oshiputudhilo shaNust kEenhana moshitopolwa shaHangwena osha e twa po omolwa oondungethaneko dhOhamba, shoka ngaashingeyi tashi gandja elongo koyendji,’’ ta fatulula ngaaka.
Ta gwedha po kutya Ohamba oya kala noku kumagidha osikola ndyoka yoNust yi tsikile okulonga nuudhiginini yi vule okulongekidha onakuyiwa yaamboka taya hiti mo.
Ta ti, Ohamba oyili oshiholela oshiwanawa koyendji, mongaashingeyi okwa ningi yina yaanona yeli 45 ya thigwa po omanga yamwe ya ekelwahi kooyina nokaakuluntu yeli 27 yaana omalukalwa.
“Momumvo 2015 Ohamba oya kumagidha aanyasha ya hulithe po okuekelahi oohanana oshowo okutapa mo omala, ihe nedhi faalelwe,’ ’Sement ta ti ngaaka.
Ta ti, ohamba oya simanekelwa wo sho ya kala noku gandja omalukalwa, iikulya nomakwatho ga gwedha po kaakwiita yopulana oshowo okuyagamena kaatondi.