Ongwediva- ava vakarerapo kukeverera mukisi Nelson Andimba kakere tagava mapukururo kovantu vaNamibia asi vahalya nyama zonguru vana pilire kutereka morwa kapi zina kara asi ngwaangwa, kureta uvera. Ogu gatunga moOngwediva gounganga yimuna kayitente asi yimbumburu oyo ndi maginyono gosinguru mukisi gwangoso kugugwana nye nsene olya nyama ezi vana pilire kutereka nawa ndi sina pi nawa.
Apa nye nguru azi li mauta ndi mema gana pilire kuwapa, mema ogo kukaretesapo nye nguru ozo zikare apa nye noyazilya wahana kuzitereka unene ndi zipye unene ove ngoso wahepa kugwana mukisi komaginyo ono gwana konguru. Yimo ana kutanta Andimba.
Age simpe katente asi nguru yiko avagwana vantu mukisi unene ogo maginyo gayo. ‘’ moyihorokwa yoyinene nyama zonguru kuzikona kona unene komaginyo, kuvhura omone ngwendi mbuto zina kara konyama zonguru. Udigu unene nsene nyama zonguru kuna kara nomukisi, nomaginyo ove ozilye hawe nove gumwe ogu nogwana uvera owo. ‘’ Omu nye nolidimburura asi ono kara nouvera owo, udwa morutu morwa yimbumburu kuna kuparuka moge, ayo kuna kuparuka morwa kuna kugwana nondja moge, ove nyamoge kapi nye nokara nononkondo morutu, rutu roge naro rwahepa kukara asi kapi runa wapa.
Kuzuvha ngwendi esakisa morwa uruvi woge kapi una kurugana nawa yimo ana kufatiurura ogo gadiva eparu lyoyimuna oyo. Andimba simpe kaziremo asi kapi yawapa olye nyama zonguru vana pili kutereka.
‘’ Nyama ozo zokupira kutereka kuvhura kukuretera nobakteria ntani kuvhura nondja dikare ngwendi kwaditura uhungu. Ntani kukarako ngwendi kuna butu morwa zina yipa. Apa nye atugusa nyama moyskas ndi kuzituramo, wahepa nye kuzigusamo ntani notengwidiramo nye wahepa kuzitura mosiplastika. Yimo ana kufaturura ngoso Andimba.
Sayitunga zaNrew Era kazipulireko Amen Ames, ogu gakara asi age kugwana nyama zonguru nkenye apa, ezi vana pilire kutereka nawa. Age gakere nowoma ezuva limwe apa gamwene asi koyili yina kugenda pokatji komaguru gendi siruwo oso age kuna kutara televise.
Apa nye kazire mokanzugo kokulikuhwira, akatare asi yinke yina kuhoroka, tamono asi koyili yina kara ngwendi spangeti macaroni gana kara moondere zendi. ‘’ age makura takara nowoma, komeho nye zoyo, age kapi gazuvhire nawa, makura kapi ana kuzuvha nawa yipo nye gazire kosipangero ezuva lyokukwamako.
Nokukagava asi yinke eyi nagwana moondere, makura epuro asi kolire nguru? Makura nokutanta asi monguru koyigwene ezi kopilire kutereka nawa. Ames yimo ana kutanta ngoso.
Age katente asi apa nye gamwene simbumburu oso morutu rwendi, kagere nowoma mokuza kosipangero nampili ngomu gakere asi kuna kuyimona eyi yina kumuhorokera. Yimo ana kutanta Andimba. “Ame kwagazarere asi nayina tanifu, morwa yimbumburu oyo kukura ayo hena kurepa, makura yitameke kuparuka mouruvi woge ntani nongera. Ame ngesi kapi anili nguru ntudi kuna zitereke nyamwange,’’ yimo ana kutanta Ames.