Ngoloneya woshitukulwa shaShana Elia Irimari okwa kaleka manga pokafimbo oivilodimbuluko yefyo lOmupresidente Hage Geingob oyo kwali ya longekidwa keedoolopa nhatu konooli.
Oshivilodimbuluko okwa li sha longekidwa keedoolopa ngaashi Ondangwa, Ongwediva nOshakati.
Meenghundafana va ninga naKundana onghela Irimari okwa ti ombelewa yaye oya ninga omutumba noomayola veedoolopa odo opo va kundafane nghene oshivilodimbuloko tashi ka ningwa.
Ta ti elalakano lokukaleka edimbuluko okuninga omalongekido omoule noshoyo okukelela eedoolopa diha ninge edimbuluko mefiku limwe molwaashi okwa pumbwa okukala po poitufidimbuluko ayishe.
Irimari okwa ti tete okwa pumbwa okutalika kutya oshike sha pumbwa okutulwa peenhele mwa kwatelwa eameno lopolifi nonhele ya andjuka nawa tai dulu okukala engudumano lovanhu.
Onghee okwa ti ina hala okuuda ovanhu tave lipumu mumwe ile oiponga yomeendjila pefimbo lovanhu tava dimbuluka efyo lOmupresidente Geingob.
Oshiwana otashi ka shivifilwa kombinga yefiku omalelo eedoolopa taa ka ninga oshitufi shedimbuluko lefyo lOmupresidente.