Omupopiliko wopolifi moNamibia omupedu Commissioner Kauna Shikwambi okwa ti ovakainhu vanhe ova longelwa oilonga youshada eshi va kwatwa onghonga oshivike sha djako.

Omukainhu weedula 40 okwa kwatwa onghonga komulumenhu weedula 21 Etitano efimbo lokonguloshi kOutjo  eshi a hangika mondjila tai keumbo ndele ta nu kilwa komufekelwa.

Omufekelwa okwa kufa ombele ndele ta ningile omukainhu omatilifo ta ti kutya ote mutu nombele, nokonima okwa tula omukainhu koshi fiyo teli denge po nokuya naye moixulo.

Omufekelwa okwa kwatwa po kopolifi.

Okaana keedula 15 nako oka kwatwa onghonga kovalumenhu vavali Etitano lopotundi 23h00 kolukanda Lwanyanda modoolopa yaKatima Mulilo.

Opolifi oya hokolola tai ti okaana oka namwa mondingosho kovalumenhu ndele tava i pondje nokonima ova tameka okuningila nakuininga oshihakanwa omatilifo kutya otave mutu nombele ngeenge ina hala okuya navo moixulo.

Okaana keedula 17 nako oka kwatwa onghonga Etine komukunda Oshikushashipya moshitukulwa shaMusati eshi kwali ka u fwanwa konduda yomufekelwa ndele tai nako moixulo.

Okaana keedula 15 nako oka kwatwa onghonga Omaandaxa komukunda Okafitu-Kakahala  efimbo lokomatango moixwa.

Omakonakono opolifi otaa twikile moimbofa aishe yomakwatwanghonga.

Opolifi onghee ngaa natango tai kunghulile oshiwana opo shi kale tashi lopotele opolifi oimbofa yomakwatwanghonga pefimbo opo opolifi i dule okukala ya kwata po ovafekelwa nokukala yoo vali ya ninga omakonakono noupu.

– fhamalwa@nepc.com.na