Ominista yomauyelele nomakwatafano opaungomba opo ya ulikwa Emma Theofelus okwa ti otaka kwashipaleke kutya oshiwana otashi pewa ouyelele kombinga yomayakulo epangelo.
Edi Theofelus okwe di popya oshivike shadja ko moWindhoek pefimbo a ulikwa a ninge minista womauyelele nomakwatafano opaungomba.
Theofelus okwa ninga minista peedula 27 onghee oye umwe womunyasha nowotete okuninga minista moNamibia.
Theofelus kwa kala omupedu minista wouministeli womauyelele oku dja eshi kwa li a ulikwa kOmupresidente Hage Geingob momudo 2020. Okwa ti okwa pandula koshinakuwanifa eshi pewa kOmupresidente Nangolo Mbumbo opo a ninge minista.
Kakele kaTheofelus Omupresidente Mbumba okwa ulika yo ominista yoilonga noyeendifo, John Mutorwa a ninge omupedu Primaminista ashike natango ota twikile okuwilika ouministeli woyeendifo.
Peya Mushelenga okwa ulikwa a ninge minista woipambele yokondjeyoshilonga.
Mushelenga okwa li tete minista woipambele yokondjeshilongo onghee eshi oshi li oshikando shitivali ta wilike ouministeli ou. Kansela mukulu woshikandjohoololo shaShikuku noku li omutoolinghundana mukulu woRadio yoNBC Modestus Amutse, okwa ulikwa a ninge omupedu minista womauyelele nomakwatafano opaungomba.