Lahja Nashuuta
Nēsisa xu-i ge khoe-i di om-i tamas ka i o ǁî-i a ǀhonkhoe-ai xūna surude i hâ !khais !aroma ǁamaxūhe tide, ǀGapi ǁNâu!gâ!khaib di !khō!gâs ose. ǀGora!gâ-ao-i ge aibe nî ǁawoǁawo, surude-ao-i ǀkhara xūn hîa surudeba mātares !aroma a ǁamaxūhe ǁkhāna ūhâ tama hâ !khaisa, aiǁgause auton tamas ka i o ǀnî xūna omsa aibe ǂoa tsi.
Nē ǁgaragu ge ǀGapi ǁNâu!gâ!khaib ǀKharaǀkharasa ǂHanumās, 2024ǁî kurib dis (ǂHanumā !gôas 2ǁîs, 2024 kurib dis) hîa go ǂoa ge wekheb !nâ a sîsenxasa xu ra ǂoaxa. Nausas nē ǂhanumāsa 2024ǁî kurib !nâ ge a xoa!gaohe, xawes ge 22 Aoǁkhumuǁkhâb 2025 dis ai ǀgui ge sîsentsoatsoa, ǂhanub ge sîsentsoatsoa kais tsēsa a ǂanǂans khao!gâ. ǁNā tsēsa xun ge hoa ǀasa ǁkhaubas dīǀgaugu tsî ǁgaraga ǀoasa sîsenxasiba ge hō. ǂHanu-aisib di ministeri, Wise Immanueli, ge ǂoa ge wekheb !nâ Parlementsa ge mîba, ǀasa ǂhanusi ǁgarab ge a ǂgâxa-ūhesa, îb ǂhanuo!nâsen khoena surudega mātares ase ǁîn omde gere ǁamaxū-aihesa !aruǀî tā ī ǁkhā. “ǀOrose ge hâ i ǂhanugu ge surudehe hâ khoe-e ai!hūba gere ǁam kai. Hanab surudeba nî ǂoaxas kara, o-i ge surudehe hâ khoe-e ǁnāti ī mā-amsa ge ūhâ i, ǁnā khoe-i di omsa ǁamaxūsa, ǁî-i ga ǀnî ǁamaxūhe ǁkhā xūna a ūhâ xawes tsîna,” tib ge Immanuela ge mî. Ministeri gere mîsa !oab ge nē dīǀgauba, ǁnāti ī ǂhanu-ai ǀgora!gâsa !khō!oa tamase di omaride omdi âna gere ǂoa!nâsa gere !aroma.
Immanueli ge Namibiaǁîna ǁnā ǁawosasiba ge mā, omna surudegu !aroma nî ǁamaxū-aihes nî ǀuniga ores ase ī !khaisa, aibe hâ a īǁkhāsin hoana ôa!nâ!kharuhe hâs khao!gâ. Kō!gâs !nâ i ge ǁkhāti ǀnîkhami ī ǀkharaǀkharadi tsîna ǀGapi ǁNâu!gâ!khaib ǁGaragu !nâs tsîna ge dīhe, !gōsase ǁGarab 108A, hîa !gāsa daoǁgauga ra ǁguiǂuiba. Surudehe hâ khoen tsî ǂnûiǂgādi tsîn ge ǁaposa ǂganamsensa nî dī, surude-aon ge ǀgau ra tsî ǂâuǀoa hâ ǂanǂansa nî !khō!oa, !augaba xu hâ ǀnōdi ge omdi !khōǂgā hâ ǁkhāsigu!aroma nî māǂgāhe, surude-aon ge nē ǂganǀgauba ǂharas tamas ka i o ǀkhara dīǀgauba māǂgās ǂhanuba ūhâ, tsîsge ǀunis ai ǁnâu!gâsa nî hâ hoa ǀkhākha nî !gâhesa. Hāǀaro rase-i ge ǀGora!gâ-ao-e ǁnā ǀgaiba māhe hâ ǁamaxūs marisa ǁawoǁawo tsî ǁkhaubasa î-i tā om-e ǁî-i ǁkhāsib !naka hâ maris ai ǁamaxūhe.