ǀAeǁgams
Ûitsamaxūn tsî !hana╪gari-aon ǁaupexa hoa ǀkharigu din ge ra mî, ǀgaisa īǁkhāsib hâsa nē ǀkharigu !nâb ǀkhuruba nē hakaǁî kuriba noxopa ra ai!gûsa. ╪Hôare-ao-i ge ╪oago wekheb !nâ !kharaga !garo!ā ǀkhariga ǁnā ǀkharikha !nâ ge sari hâ i, ǁîna xu ǀnanub mâsib xa !nāsase ǁnâusa ǁgausen irasa !oab ǀnanuba nēpa ǀkha amaga. ǀNî !garo!ā ǀkharigu ge ǀgui !nā-i tsîna ǀnanuba !khō!oa tama hâ tsî xawes ge nēsa ǀgui ǀkharaǀkharasen i tsîna hā-ū tama hâ kaiseb ge ǀkhuruba ǀgaisase nēpa tsâǀkhā hâ xui-ao. ╪Hanub ge ǁîb ǀkhāba xu ǁkhāb ase ra dītsâ ǀkhurub huib ╪ûna māsa !hana╪gā-aon ǀguis khami ī xū-i tsîna nē kurib !aroma ūhâ tama hâ tsîn ╪gari-aona !nāsa !gôagu di ûitsamaxūna ǀkhurub xa !aromahe hâse a ╪oa!nâ xui-ao. !Hana╪gā-ao-i, Omakange ǀkharib di-i ge ge mî, !hanagu !gâi ╪ûba nēsis kōse mā tama hâsa tsîn ǁnān hîa gere ╪nûi-amna ge ǁōsa ǀoro ǀnanub xa !aromahe hâse. !Nona !nādi kōsen ǁkhawa !hanaga gere ╪gāsa ai!âkamn gere ǁō tamas ka io ╪nâ xui-ao ǀnanub ǀkhais xa !aromahe hâse. “Sida ge ╪auna ǀnanuba a !khō!oa ǁkhā, xawe i ge ǀguis khami ī ǀgâ-i ûitsamaxūn nî !û i tsîna a ǀkhai. !Khomn nî ǀasase ǀomkhâi ǀgau-i tsîn ge a ǀkhai ǁnāpan ╪auna bardenna hoarahus !û-aiba ǁkhawa ra dīkaka tsî da !kharu ge kurigu di ǀkhuruba ǀkhawa ge !oase.
ǀNî ╪gari-aon ge ûitsamaxūn âna gere doe-ū !gâi ǀnanuba ge !khō!oa hâ i !âga !oa. “ǀGâb hîan ge ╪gari-aona gere !âubasenni ge ǀǁnā tama hâ tsîb ge !aoba sida ǁaega ǀgaisase hâ ǀkhuruba da ǀgaisase ra !ao xui-ao. ǁKhās ǁkhāsa !hana╪gā-aon hîa !nona !nādi kōse ǁkhawa !hanaga gere ╪gāna ǀnanuba hō tama i tsîn gere ǁō amaga.