Andreas Thomas

ONDANGWAS – !Hū!nāsi hoa!nâ-aixa ǁhûidi hîa ǂoa ge Wunstaxtēs ai ge hâ i di ge ǂharugub !ēde Oshana ǀkharib di sîseno khoen tsî ǁnān tsēsa xu tsēs ǁga hâ ûiba ra ûin !aroma ge mā, ǂgui !gôagu !nân ǂoaxa-ūsen tsî ǁhûi-aon ai gere ǁamaxūse. ǀ

Nî taradi hîa Ondangwa !Garo!ā ǁHûi!nâǂharis di Akweenyanga !garo!ā !âb di di ge ganganxasib ǀguiba mā tsî gere mî, kaise di !gâi marisa ǁnā tsēs ǁamaxūde xu ge a hōbasen amaga. ǁÎdi ge aitsama !amǀhaosa ǁamaxū!khaiga Oikanga !Amǁaresa Skoli ai!â ge ūhâ i, ǁnāpan ǂauna !gôab khoena ǁhûidi !aroma gere sī amaga. Linda Angulas, ǂguro !nās ǁhûi-aos, ǁîs ǁnaosa gere ǁamaxūhuis ge vetkukin, ǁgansa ǁau-i, haiǂûn tsî !hanaǂûna gere ǁamaxū. 

“Tita ge nēpa ti ǁnaosa ta nî huise hâ tsî mî ta kara oise garu. !Gâi hōǂgāsam ge go hō,” tis ge Angulas hîa a sîsenosa gere mî. ǁHûitoas khao!gâs ǁîsa ǂgaeǂguis !nâ nî mâ ǂhanuba ra ǂgans ge, îb ǂauna !ēde ǂkhamkhoen sîsenmās !aroma ǂnuwi in aitsama ǂharugub !nâ ra !â ǂgao ǂkhamkhoena supubahe tsî nauna ǁkhoreban ū-aihâ tsî ǁkhti !kharaga ǁkhāǁkhāǂuisens ǂhawega ū!nâ hâ sîsenga dī ǁkhā. 

Kuku Lena Frans tsîn ge !gâi marisa ǁîs ǁansa ǂûna ǁamaxūs !nâ-ū ge hōǂgābasen tsî ǁîs ganganxasiba gere gowaǂui nē !ēs !aroma. 

“ǂGom!gâ ta ra !khais ge sida ǁhûidomgu ǁause ī tide !khaisa. sida ǂgaeǂgui-aon ge nî hui da, ǂnuwiba da ǂharugu!khaiga. 

Tita ge ti ǁnurisana nēti ī ǁamaxūde xu ra kō!gâ,” tis ge ge mî. ǀNîhâ ǂguro !nās ase gere ǁhûi Jane Frans tsîn ge ge mî, ǁîs tsîn ge !gâi hōǂgāsa ǁhûi-aon ai amaxūs !nâ-ū a kurusa. “Tita ge ǂgaoba xu nē !ēs ǂharugub dis hîa ǁhûidi !nâ-ū ge hāsa ra gangan. 

Xawe da kaise nî !gôa!gâ !khais ge ǁhûiba da ra khoen ga !nāsa !ēde ǁkhāǁkhāsens tsî sîsengu !aroma a īǁkhā kaiba da !khaisa,” tis ge ge mî. Nau taradi hîa Shipepe ǁanǁguib !nâ gere ǂharugudi ge gere ǂgan, îb ǂhanuba !amku ǂharugu!khaiba ǁnāpas tsîna omba ni.