PRETORIAS – ╪Guro ׀hû!khō-am-ao-i Oscar Pistoriub di !gams !nuri!gâs ǁhōb׀kha !gaeǁaresa ūhâ-i ge ╪oago wekheb !nâ ǁnâu!gâsa ge mîba, ’╪gaob !gamsiba xu hâ !audi tarekhoe-i didi !apuǁhādi xa saohe hâse.
ǁNāpas ge ǁnâu!gâ!naos !nâ a ╪gâ, Olaimpise tsî Paralambiks di mâ╪oa-aob ge ǁîb a ׀hapio nē !gams ǁîb di ǁâsas, înkinibes, Reeva Steenkamps dis ╪oago kurib di Valentaintsēs ai ti a ╪noasentoas khao!gâs, ge Michelle Burgers hîa ׀gūse mâ ╪guise ra ǁan!nâhe omgu !nâ ǁan hâsa ǁnâu!gâsa ge mîba, ǁîs ge ǁaegub tsuxub dib !nâ a ╪khai╪khaihesa tarekhoes di !aub hui-ôas dib xasa. ‘Tita ge noxopa ╪gōse ti kharob !nâ ge ╪nôa i ǁîs di !auba ta gere ǁnâu soab ai,’ tis ge Burgersa Pretorias di ׀Gapi ǁNâu!gâ!khaiba Afrikaans Gowab !nâ am!khō-ao-i huib ׀kha ge mîba.
ǁÎs ge kaise ׀khom׀khomsase gere !au tsî huib !aroma gere ׀khoma. ǁNāpa xu ta ge !aru׀î aorekhoeb hîa ra hui-ôab dommi tsîna ge ǁnâu. ǁÎb ge !nona !nāde huib !aroma ge !au,’ tis ge ge mî. ╪Âira ge ׀nîsi khôa╪gâ-i ti, ob ge aosaba sekuritaitga ge ╪gai hîa ǁîn di ǁanǁguiba ra !ûiga !aru׀î ra noxopa ׀nî !apuǁhāde nî ǁnâus ai!â. Nē !āsa ge kaise !aorosa i. ǁKhamsa mâsib !nâ khoetsa gere mâi,’ tis ge Burgersa dommi âs ra axandomse ǁnâu!gâsa gere mîba. “ǁî ge kaise gere !ao.’
‘ǁÎs di !audi khao!gâ ta ge haka !apuǁhāde ge ǁnâu. Haka ǁhādi ╪oa gere ╪oa ׀gausa,’tis ge ge mî. ‘!Khôa …!khôa, !khôa, !khôa. Kaise ge tita !aob !nâ a mâi. ǁNâuts ge gere nēb a hui-ôas di !au !khaisa. ’Nē 27 kurixa Pistoriub ge nē hoaraga ǁnâu!gâs ǁaeba !nōsase ╪nû tsî ╪ai╪gawab ׀guiba gere kō. Nē !khoe-aob ge ׀nūkha ose ge !nae xaweb ge 2012 Olaimpise ׀hurun !nâ 400 meters !nâ ׀gamǁî ׀uniga !khoe׀nûgus kōse ge sī. Pistoriusi ge ra mî, ǁîb ge Steenkampsa !nari╪gâ-ao-i hîa ╪khari-oms !nâ gau hâ-i ׀kha ╪âisā tsî a ╪noa!anse. Burgers hîa 177 metergu !nūsib ׀guiba Pistorius hâra xu ǁan hâs di ׀hû!khō-ams ge !oa!ū nî ╪hôa╪uihese ai-īsi╪hôa╪gares ai ge ǁgauhe tama i ǁîs di ╪gans !oagu, nausats ge ǁîs di ׀hû׀gui-amsa ǁnâu ǁkhā is ka xawe.
“׀HAPIONÂSIS ╪NOASENS’
Ai!âb ge Pistoriusa !khae ׀ûb â-i paksaran, !uri hems tsî ╪nû ǁgāba ╪gae╪gā hâse, ׀gora!gâ-ao Thokozile Masipab ai!â mâ tsî ǁîb Steenkamps !gams !nâ a ׀hapio ti gere mî. Steenkamps ge ╪noaba-aosisa gere ǁkhāǁkhāsen tsî ǁkhāti tarekhoedi ╪hanuga !khamba tsî ǁnaetisa ais ase Suid Afrikab di mûmûsa khoen ǁaegu ge hâ i. Pistoriub ge !aru׀î ǁnā ╪gui!nâgu !nae!khaidi !apusa ǁgauo!nâse sîsenūs didi ai ge ╪noasen, aiǁgauseb ge Johannesburgs di ׀gui ╪û!khai-i tawa tāb !naka !apuǁhāsa a ╪noas tsî ǁkhawa ai!âkam ǁâsas âb di autos ╪am!nâb !nâ-ū !apuǁhāsa a ╪noa!kharus hâra. Pistoriub ra ǁnâu!gâ!khaib !nâ ╪gâ khamis ge Reevas di mamas, Junesa ǁîb ai mûra âsa ge !ammâi. Pistoriub di ╪noaba-aob, Kenny Oldwageb ge ǁîb di ╪gae╪gui╪gās !nâ ge mî, ǁîb ra ôasa mâtib nî ׀hû!khō-amaon hîa nē khoeb hîa ge kaise ǁîb ǁâsasa ׀nam hâ ib di ûiba ra khôana amaba nî mâi-ai!âsa. – Nampas/Reuters