Xoa-aob: Mathias Haufikub
׀AEǁGAMS – ǁAupexa di ge 6 457 !gôab !hū!âdi ׀guide nî !anu!anu tsî ╪homihe ǁnāpa ge ׀aweǁguisa i 10 200 !hū!âdi xa. Nēs ge hoa !ādi nēti ī omde oms a ׀aweǁgui!nâsadi !nâsa. ╪Guro !âb !nâs ge nē go ׀gapise a mîhe !gôab ais ╪âisa nî ╪nûihesa. National Housing Enterprise (NHE) hîa nē !ereamxasiba tani hâs ge !aromade mâ tama ge i nē ׀khara׀kharasib !gôagu dib ╪namipes ge ׀gū׀khāhe hâ i soab ai, xawes ge ge mîmâi ׀oasa !nuribas nî dītoaheb kara o mā!kharusa.
╪Oago kurib !nâb ge !hūb di ǁûb, President Pohambaba nē proxrammab ╪haitsi ╪an!gâsa gere mâ soab ai ge mî hâ i, 10 200 !hū!âdi nî ai╪homihesa, xawe-i ge New Erab ge mû xoaǁguib !nâ 6 457 !hū!âdi nî ai╪homihes xa ra !hoahe. National Housing Enterprise (NHE) di Sîsen╪uira Mâisab Vinson Hailulub ge !eream ╪gao tama ge i nēs ╪namipe ge hâ i dî!gâdi ╪namipe. “╪Haitsi mā╪uisa da ge ׀aweǁgui hâ tsî ǁnāpa hoa !gāsasiba nē omdi ╪namipe nî mā,” tib ge Hailuluba ge mî.
ǁNā 6 457 !hū!âde ai╪homis !aromab ge ╪hanuba N$484.3 miljunsa nî mā╪ui tsî di ge nē sîssenni !aroma 18 ╪harugude a !gaesa nē proxrammi !naka, nēs ge New Erab ge mû xoaǁguib !nâ i mâ ׀gausa.
╪Guro !haros nē proxrammi dis ge ׀gam kurikha ǁaeba nî !khō╪gā tsî N$3 biljuns !nakaro nî ╪gan. Sao ra ╪harugudi ge nē !hū!âde !kharaga !ādi !hūb a ╪habase hâdi !nâ nî ai╪homi:
7 Sir’s Group (1 363), Afrina Chinese Co (70), Homenet Properties (264), Oruhapo (79), Green Cycle (350), Dibana/July Eight (400), Calgrow M3 (673), Hadago Investments (45), RCC (592), Jumcorp (330), China Jiangxi (180), Groenewaldt Construction (468), NCCS (658), Ehanda Investment Cc(412), Dolly Investment (310, Sinyhydro (290), MCC Nineteenth (486) tsî Zhong Mei Engineeringsa (229).
╪Guro !âb !nâ !nâs ge ǁîb a ׀gapi !gôab, 1 363 di !hū!âde Erongo ׀kharib !nâ nî ai╪homihe tsî di ge 45di ׀guide Kunene ׀Kharib !nâ nî ai╪homihe. Hânab ╪hanuba ǁîb di ׀aweǁguib tsî aimû׀garus 2030ǁî kurib !nâb 185 000 omde !hūb a ╪habase nî oms disa nî dī׀oa׀oa ╪gaos kara ob ge 11 000 omde kurikorope nî om.