ǂGuro Ministers Beros ge hûhâsigu di ǁanina ra ǂgan, in ū-oasen ǀkhurubhuib !aroma ra māhe ǂûna ǁamasa xu tsî ǁamas soas !nâ Namibiab ǀAwa!namna ǁnāti ī ǂhanu tama !nae!khaiden ǁîn ǂharidi tamas ka i o nî ǂans karao. kara o.
Dana mâisab ǀHûhâsib ǀkha ǀGaeǁaresa ūhâ ǁHōn ǀ a !nao-aisab, Rhingo Mutambob ge ge mî, ǁîn ge !hau!hausase a ǂansa, ǀnî ǂûn hîa Oshikangos Sâu!khaib tawa ǀkhurub huib proxrammi !aroma a sâusana xun, ǁaupexa N$600 000 ǁkhāsiba !khōǂgā hâna a !narisa !khaisa.
“Hoa 14 ǀkharisi ǀawemā!nande da ge ra ǂgan, î di ǁawoǁawo nē ǂûn ǀgaisa ǁkhaubas tsî !ûi!nâs !naka nî ūhâhe tsî ra ǀgonǀgon!gao ǁkhātin ǂûna mîǁguisa ǁaeb !nâ nî ǀgoraǂuihe !khaisa,” tib ge ge ǀaro.
Ohangwenab di ǀkharisi mûǂamaob, Sebastian Ndeitungab ge ǁîb ǂkhîo!nâsiba ǁnā !nani ǂhanub sîsenaon hîa nē ǂûn di
!naris !nâ ra ǂâisāhen !oagu gere gowaǂui.
“40 000 xa a !nāsa !gôab omaridi ge ǀkhurub huib ǂûna xu domdores !aroma a xoamâisa xawen ge nē !gauhâ ǂûna 16 000 omaridi khoen ǀguina nî ǂâu,” tib ge ge mî. ǁÎb gere mîs ge, nē ǂûn sîseno tsî ǂû-e ǁamabasens ǁkhāsib !nâ hâ tama khoen dis ǀguisa ī !khaisa tsî ǁnān hîa ǁkhākorobe !khō!oamaride ra hōna ǂâibasenbahe tama hâ !khaisa.
Ndeitungab gere mîs ge kaisa i a !hau!hausa !khaisa, ǂhanub sîsenao-i ra ǂhanuba xu !nari !khaisa nî ǂanse isa.
“Hanats sa ǀhûhâsib !nâ khurub huib ǂûna ra ǁamaxu khoena nî ǂans karao, o sida ǂanǂan î-i ǁnā khoe-e !khōsis !nâ ūhe,” tib ge gere awemā.
Ohangwena ǀkharib di !Nakaǂnôa Komisareb, Zacharia Amakalib ge ge mî, ǁnā !nani ǂâisāhe ra khoen di ǁhōb ge ǁnâu!gâs !aroma 2 !Hoaǂkhaib dis ǁga ai!gû ra ôa!nâdi !aroma a mâiǂuihe !khaisa Nē !nani khoen ge ǀawa!namn xa !khōsis !nâ ǀkhurub huib ǂûnan ra !narise hâ ǂâisās !naka ge ūhe.
Nē khoen ge Minna UUkules (33 kurixas), Jeipo Delany Hilongwas (42 kurixas), Nehemia Shoovalekab (36 kurixab), Gerrie van Wyki (42 kurixab), Fillemon Shikongob (44 kurixab), tsî Simon Josephi (33 kurixab hâga). ǂGuro Ministers Beros (OPM) ge !âubasensa !oa hoa 14 ǀkharigu !nâ a tsâǀkhāsa !garo!ā !âgu ǂgari-aona ǀkhurub huib ǂûna nî mā, tsî nē proxrammi ǀkha 1 ǂNūǁnâiseb 2023 dis ai ǂnāǁnâ tsî nē kurib Gamaǀaeb kōse nî !khoes ge.