MUÑOLI: Alvine Kapitako
WINDHOEK– Bayahi ba ma Single Quarters mwa koponi ya Katutura kele ba katala bu bangoki bobu ezahala mwa koponi ya bona mi ba ba ñwi ba bapanya bupilo mwa koponi ye bupilo bwa kale bwa Sondoma ni Gomora.
Kwa mukopano wa sicaba ono ezahezi la bulalu busihu, bayahi ba bulezi kuli lilata, tuntolo twa bucwala to tuñata, to tu lekisa busihu kaufela ku isa kakusasa, ni busholi kinto ye tuna yo bayahi bali ku yona ka nako ye telele ahulu mwa sibaka se si sabizwa Single Quarters, libizo le lizwelela kwa mutomupuso wa kale wa South Africa ko banna ne ba ina banosi ba fumahali ba bona ni bana ba bona ne basika lumelelwa, mi libizo la Single Quarter litalusa ‘ mupilelo wa mutu ali mumwi’.
Kasela wa Katutura Central Constituancy, mutopehi Ambrosious Kandjii, yo muhulu wa mapokola mwa Windhoek, mutopehi Abraham Kanime, yo muhulo wa siteshini sa sipokola kwa Katutura, mutopehi Ismael Basson, ni ya latelela mwina situlo wa tolopo wa Windhoek, mutopehi Muese Kazapua, ne libona ba bañwi bene ba izi kwa mukopano wa sicaba woo.
Mu zamaisi mwa sibaka seo mufumahali Maria Ngavirue wi ze, butata boba fumamana ki sebeliso maswe ya bucwala ni lika zekola ni lintolo za bucwala zesa kwali , zeo li lekisa busihu ni musihali. Bana baluna haba lobali kapa kubala hande bakeñisa lilata lelizwa kwa mwa wayalesi mwa tuntolo to.
Muyahi yo muñwi Selma Paulus na ba panyisize bupilo bwa mwa ma Single Quater ku bwale bwa Sodoma ni Gomora bakeñisa bu bangoki bo bu ezahala mwa teni, na zwezi ku bulela kuli batu haba uzwezwa ni kunatiwa musihali ha kuna ya bilayela ku lamulela, lwa saba ku tabiwa ni ku natiwa ki kafo lu talimela feela lusa lamuleli ku bulela musali yo mu ñwi ya na izi kwa mukopano.
Banna ba koponi yeo ha balati ku itombola ku lwanisa bu bangoki mwa koponi ya bona bakeñisa kuli ha kuna lituwelo haba yeza cwalo mi muhupulo wo cwalo “u fosahezi mi ha u yahisi”.
‘Hape na zwezi ku bulela kuli banna ba koponi yeo ba swenela ku cica ni ku teleza seo ba shemi ba bona ba sibulela. Ba zamaisi ba sicaba ba bulelwa kuli ki bona ba ba pata libangoki ze cwalo mwa mandu a bona ki kafo bubangoki mwa ma Single Quarter ki kale bu hula.
Ha kuna sibaka ko lizwa kapa libangoki ze kona lizwa mwa malapa a luna. Mike Aihwiki wiz e batu mwa ma Single Quarters ba pata masholi ka kuli ba ziba kuli ni bona kona fo ba pilela fa lika za busholi.
Kuzwa fo bayahi bali sipokola se si izi mwa ma Single Quarters ha sina tuso ka kuli musebezi o ba yeza feela ki ku ‘”nyatela feela mapapili a sicaba’. ‘ Ha lubiha bu bangoki ba lu lumela kwa liteshini za ma pokola kwa Katutura kapa kwa Wanaheda, ku na ni ma polisa ba ba sa ikutwa, kiñi ha ba sa bo nani ni libangoki ku fita ku nyatela feela mapapili. Kasa mulaho wa lilimo ze mashumi a mabeli ka ama lalu (23) a tukuluho, taba ye ha I swaneli, ku bulela Aihwiki. Hape na zwezi ku bulela kuli sipokola sa tolopo ya Windhoek si sebeza katata kufita sipokola sa naha.
Yo muñwi ya na bulela taba ye swana ki Lydia Jason ya ize mwa liñolo le neli filwe ku Basson: ‘ siteshini sa ma pokola ha sifumanehi ku tusa bayahi kali baka leo ba lumelwa kwa liteshini zemwi.
Ka kuamana kwa lintolo za bucwala Jason wi ze bu ñata bwa bañi ba lintolo ha ki bayahi ba ma Single Quarters. Ba ina kwa koponi ya Hochland Park, na bulela kwa mukopano. Hape uli ha ki ba nana kaufela ba bafeza likolo ka pa ku kena kwa likolo ze pa hami bakenisa lilata, bucwala ni ku sebelisa lika ze kola ze fumaneha mwasilalo moo. ‘Wa kona kufumana mwanana wa lilimo ze ketalizoho inge a shimbile botela ya bucwala ili kezo ye maswe ahulu. Jason u zwezi ku bulela kuli lintolo ze ha lilateleli milao, ha ba swaneli kul ekisa lino ze kola kwa banana ba lilimo ze mwa tasi (18)
Jason na balile liñolo ni kuli tambeka ku Kanime, Basson ni Kazapua. Kwa kalabo ya hae yo muhulu mutopehi Basson wi ze na sa zibi misebelezo ya siteshini sa mapokola seo, ka kuli h akuna yana fitisize nonge yeo mwa zila ye otolohile. ‘’Na zwezi ku bulela kuli haba fumana bu tata bazibe kwa kufitisa linonge za bona’’
Na zwezi ku bulela butokwa bwa ku lwanisa bubangoki hande ka ku ikopanya ni sicaba isiñi ku pata libangoki nako ha liswanela kutamiwa.