Kwa Chrisbin Inambawo
Mo Venduka
Sinzi sovarugani tava kamona udigu ou naukatundilira kazeruko lyomahauto ntani ndando nye ezi zomaholi zina kuzeruka nkenye ezuva.
Sivike esi sina pu molita zimwe zo disera kuna kupura N$ 10.00, yipo asi vantu twahepa kutara asi ngapi natu gwana ugendero nawo peke.
Ngesi udigu unene tuyigwane nawa-nawa asi ngano ngapi natu rugana. Green sport ruharumwe rokampani za Cymot aru randesa yininke yina yokuzisa kokemping ntani yokukwatesa nomfi ntani nombasikora, kava tente asi erandesa nombasikora kuna gendipo nawa kwedi oku unene nombasikera dina dosiputa 18.
Henning Barth mugendesi kurona koruharo Green sport mo Cymot katente asi hawe awo kuna kumona erando lyewa, unene komuzogo nokoupumezuva wa Namibia. Cymot kwakara noyitora mo Oshakati, Rundu, Tsumeb, Swakopmund, Walvis Bay, Luderitz, Rosh Pinah, Otjiwarongo ntani mo Venduka.
Barth katente asi yivera eyi ava ruganesa nombasikera yinarondo, nonopersenta 30% nombasikera do Challenger yivera yado kuna kupura N$ 745.00 ano edi do siputa 18, kuna kupura N$ 1050.00 ndando ozo kuna kuzigazara zikakanduke no N$100.00 kwedi oko kapi yina livhuru nogu ana kuwapayikisa ehauto lyendi lyepe nogu ono kuwapayika nyamoge mbasikora zoge.
Mukoso ogo kuvhura kusika ko N$1000.00 otureko hena oku wa versekera ehauto olyo. Mbasikera nyamoge go kuzi wapayika.
Nye Afrika kapi twa fana ngwendi va Europa, ose kwahara kumoneka,nomuga nsene vaku mona tosingi mbasikera ezi zina kara asi kapi ono kuzumbanesa yoyinzi. Gumwe gadivikwa arandesa nombasikora do Challenger katente asi nombasikora edi kwedireta mo Namibia ditunde mo South Afrika melima 1936, dogoro ngesi kuna dihara vantu dogoro vadirukiramo asi nombasikora dovantu.
Simpe nombasikora domutaro dina kara, unene kuna kudiruganesa konomukunda doponze, zonodoropa. Kuvhura ?