MUFUMAHALI Imelda Tapiso ya simuluha mwa sikiliti sa Caprivi ki yana bile muwini yo mutuna kwa mipuzo ya bu ketalizoho ya balimi ba mauza mwa mipuzo ya kwinano ya njimo ye swana ya silimo, yene ongaongilwe kiba Namibia Agronomic Board.
Likwambuyu wa Likolo la Njimo, Mezi ni Nahen`I, mutompehi Nickey Iyambo ki yana kile a tambeka mipuzo kwa bawini ba yona kwa mukopano o, ono swalezwi mwa tolopo ya Ongwediva kwa liponiso za njimo ni bumapangapannga sunda ye felile.
Muwini yo mutuna yena, Tapiso na kilwe a fiwa cetifiketi kubeya tilofi ni sakana ya peu ya mauza ya buima bobu likana 50 kg hala mipuz o yen`wi kona kubeya pene-nyana.
Bawini ba ban`wi bona neba kilwe ba fiwa mipuzo ya kuba bawini ba likiliti za bona, sihulu likiliti ze itengile mwa njimo ya mauza ni kufita mwanaha, ili likiliti ze cwale ka Oshana ni Ohangwena kubeya Omusati. Kavango, Oshikoto, ni Otjizondjupa kubeya Tsumkwe ni zona neli na ni bawini ba zona mi likiliti ze itengile ahulu mwa njimo ye swana.
Bawini ba likiti neba kilwe ba zibahazwa ka, Sarah Zungu wa Tsumkwe, Ester Elias wa Omusati, Josephine Sakeus wa Oshana, Paulus Siwogedi wa Kavango, Maria Alfeus wa Oshikoto, Ester Nepando wa Ohangwena kubeyaEdward Haukongo wa Omusati. Balimi kaufeela bona neba kilwe ba fiwa mipuzo ye shelana hala yona mabeyelo a kutulo ya bona kapa zona ‘lishete’ hamohocwalo ni peu ya buima bwa 50 kg ya mauza kubeya macetifiketi hala mipuzo yen`wi.
Neli tabo ni nyakalalo luli kwa basali babeli baba simulula kwa lubasi lwa makwengo, ili Zungu ni Nepando hane ba kile ba fumana mipuzo ha kubapanya ni mazazi a kwa mulaho.
Hana bulela kwa sicaba, Iyambo na kile a tiiseza kuli bayahi neba kilwe ba fiwa mipuzo ya bona kakuli neba kile ba sebeza katata mi kacwalo na kile aba susueza kuli ba zwelepili.
Likwambuyu hape na kile a sebelisa sibaka ka kubulela bayahi kaza lizwelopli zese I pile maata mwa njimo ya mauza sina mauza ni ona hasa kona kuyema mafulo sina mbonyi kapa wheat.
Kakuya ka Iyambo, mubuso seu itekuzi kappa kumbalamanisa kuli u kone ku mamela mauza kuba sico sesi latela ni kubona kuli mwa bukamuso hakuna batu ba bata lumelelwa kuleka mauza kwa linaha zen`wi pili mauza a kutuzwi mwa hala naha a sika fela kale.
Ba Agribank neba kile a ba binguta pene ye likana N$13 000 ya kubona kuli zona ‘lishete’ za mauza za lekiwa ni kufiwa kwa bawini ba zona bene ba kile ba eza hande.