I Charles Tjatindi
OTJOMUISE
Okazera kaurikirwe oo tjovanyande vOviritje vo 2007 Orovyungura muno ovanyande vOviritje morukutu rwao tji vamunine mo omboroto.
Omwiimbure ohongora wotjimbumba ihi, Jennifer Meroro, wina waurikurwe otjeraka ewawa rondenga ro 2007 ngunda omunane wotjimbumba tjingetjo, Satie Kandovazu, aa urikirwe otjomunane wombura. Okamuzumbi kOtuponda inga Erike wina ongurova indji kahonaparere tji kaurikirwe okamuzumbi kombura nawina otjo kamuzumbi kombura kukenyandua tjinene movinyande vyomizumbi mozonganda zomerinaneno. Oko kaimburwa i Tjinaa Kauapirura nai ngwarira wo Tjitjekura Tjeriyama.
Ovikango vya munine ozondjambi mbari yotjiperendero tjitji nyinganyinga tjomizumbi nawina otjotjimbumba tjo tjihorera otjiwa. Kapa wo Tjitjekura Tjeriyama wamunine ondjambi otjo mwiimbure kourike we no kamuzumbi ke erike inga Party Time. Muchina Hoveka waperwe ozondjambi mbari otjomwiimbure wapuna omukwao na wina otjomutunduuze wombazu.
Otjimbumba tjimwe tjitjari otjihona motjitamba tjOviritje, o Millennium, tjamunine ondjambi yeraka ondatu ewa wa mena romwiimbure watjo wondatu ingwi Kavii Tjiramba. Ouhimise mbihirimo mozondjambi Ongoronomundu no Bulleta mbihina vye ritjangisa kozondjambi inda. Opouua na Kakazona Kavari vaarukire make. Ozondjambi zarwe zari nai:
Omuyenda motjitamba: Tsaa (Okazera), Introduction
Okamuzumbi kongamburiro: Kasso Band, Ndjambi
Omutunduuze wOmizumbi: Esegiel Chico Tjindjo
Omupunde: Tico Tico Kaete
Ombari: Ketu
Ongoma: Petersen
Otjimbumba tjombura: Tjitjekua Tjeriyama
Etuuo romaunguriro: Etuuo ro Blue Moon
Omwiimbure omurizare: Joseph Kauandenge