I Kuvee Kangueehi
OJTOMUISE
Okanepo ko Swapo ya Namibia, Simon Vemuesa Katjake, matja ena re ratuiirwe mouzorunga morutuu ro Rally for Democracy and Progress (RDP) ndua yandjerwe kOtjirata tja Namibia tjOmatoororero.
Katjake nguri poruveze orutja 101 nu ngwatjangisirwe okuza kOmaheke, Omandaha mapeta watjivisire o New Era kutja ena re rahitisirwe morutuu indui nokuhina ombango ye. Munao otjeheri okanepo kotjira otjipe ihi.
Komurungu Katjake watjere omunwe we kembo watikurirwe numburi korutuu indui kawe kaparukaze.
Katjake ngwari aapindike watjere eye watjivirwe kutja enare ri ri porutuu indui ovandu tjivautire okumupura ohunga notjira otjipe ihi.
Watjere ngwari omunane wo Swapo mOtjombinde, Kauromundu Kandetu, waya koserekaze ye a kaningira okakarata ke koku toorora. Oserekaze ye yapa Kandetu okakarata inga moku nangwarasi omovitjitua vyo Swapo nu kombunda akamuna kutja eye we keungurisa okumutjangisa ko RDP. Katjake watjere tja hungamene Kandetu ohunga notjina ihi waningirire ondjesiro natja mena rokutja eye omunane wa Katjake mo Swapo, Katjake me mukongorere okuyenda kotjira otjipe. Katjake wayanisire kutja ngunda okanepo ko Swapo nu makoka otjo kanepo.