Sîsenao-i xa xoahe hâ
ǀAEǁGAMS – Namibiab ǂhanub ge dī ǂgans ǀkhurub huib di māde mās aira ge Capricorn !Nans tsî Capricorns a ǀHonkhoe ai xūna Kō!gâs !nans hâra, nē !nans di kurisa ǂgaus, Bank Windhoeks di aiǁgausa sao tsî N$200 000 Dare to Care ǀKhurub Huib ǂGaes !nâ ge ǂgā.
Nē maris hîa ge 25 ǀHōǂgaeb dis ai a ǂanǂanhes ge ge īǁkhā kai Dare to Care ǂGaes di !âubasens N$10 miljunsa ǀhaoǀhao tsî ǂgari-aona nē !gom ǁaeb ǀkhurub dib !nâ huis dis ge ǂâi!nâǁguihe gere maris tsîna a !kharusa. Dare to Care ǂGaes hîa ge 2000ǁî a ǂnuwihes ge !hū-omkhâis !âb tsî aitsama mâbasen Namibiab ǂnûiǂgādi xa ge ǂâiǂuihe tsî ǁgūbas âsa hoan hîa ǀkhuruba ra mā!kharuna huis ai ūhâ. ǂGaes nēsa xu ra domdoren ge ǀhûǁarebese ra ǂgari ǂgari-aon, ǀomkhâi ra ǂgari-aon tsî ǀguri-a ǀhonkhoebasen ǂgari-aon tsîna Namibiab a ǂhabase. Capricorn !nans ge ǁîs ra mîsa !oa, !âǀhuru-aose ra !gôasen !hū-omkhâis ǀhûhâsigu ǁaegu ǁîs ra ǁamaxū ǁîs di !gâsa marisâuǂgaes, Bank Windhoeks tsî nau ǂnûiǂgādi !nâ-ū xūn !nâ-ū.
Capricorns ge ra mî, ǁîs ǀoasa ǂansa tani hâsa, !gomsin hîan ǂgari-aona nē ǀkhurub mâsib !nâ ra hō!ân xa. Nē maris ǁkhaeǁnâs ǁaxasib tawas ge Capricorn Groups Sîsenǂuira Mâisas Marlize Hornsa ge mî, “Namibiab mariǁhōn !oabadi !nans, ase da ge ǀhûhâsigu khoena nî mâxōǀkhā hîa ǀkhurub mâsib xa ra !aromahese ûigu âna khao-oa hâna,
!gōsase ǂgarib ǂnamipe. Sida ǂkhari marisihuib ǀkha da ge ra ǂgom, ǂgari-aon ǀhûhâsiga da nē !gom tsî ǁgoaǂuixa ǁaeb !nâ nē ǀoro marisihuib ǀkha a mâxōǀkhā ǁkhāsa.” Horns ge ǁkhaukhâisa Namibiab ǂharugub ǀhûhâsib tsî ǀguiǀguibe khoen ai ge dī, in mâ ǀgau-i ai ǀguis ka xawe huiba mā tsî nē ǀkhurub mâsiba ǂgari-aona supusupuba. ǂGari-aon ge kaise ǂhâǂhâsa !âsa sada !hūb sâuǁkhāsib !nâ ra ǀhuru tsî ǁnās xōǀkhā sada khoen nî ǂûna hōs tsîna ra ǁawoǁawo. ǁÎna huis !nâ-ūts ge Namibiab !goaxa sâuǁkhāsiba ra hui!nâ,” tis ge Hornsa ge mî.