Musingi gokusinga sinano sosire besa, ngesi kuna kugwana uhaku mosipangero sepangero saKatutura, konyima tupu apa kava muhomokerere vanona wovakondjeli emanguruko, awo hena kavatavagwire makende gehauto nokuvaka eyi kavasimbire varondi mobesa.
Vanona owo kuna kuzuvhika hena asi kavatonene varondi owo kava rondere mobesa. Mugara gonomvhura 45, Likius Nanghalu karemanene unene momutwe ntani katekere kuwoko nonyara zendi nazo kazitekere. Konyina tupu apa kava mutoonene nomamanya, yitji momukaro ogu kagukere asi kapi kavavasindire nye awo kavahomokere tupu kamuzumo kawo wokusika kwantambali kuna kumoneka asi ntambali vana vakwata ngesi tavakamoneka kompanguro nayina.
Ehomoko eli kalihorokere paapa Nanghalu kahumburwire munona gumwe gombunga zawo mosondaha ngurova. Muntu ogu gakara asi kapisi nomukaro dona Nanghalu simpe katente asi kamwene mbunga zoozo zina kuhomokera munonagona nomakatana woowo wombunga ozo.
Simpagwa esi kasihorokere koyiha yonovili 18h00 konzira zokoBrakwater konyima tupu Nanghalu ogu kakere asi ayihimburure murondi mobesa katundire komukunda gwaOhangwena,ogu kakere asi nage murondi mobesa. Mbunga ozo kazihederekko simpe zika homokere varondi mobesa nokutaura makende gavali. Mbunga ozo yipo kazigusire nomurongero dovarondi nokutwara mokamba zawo nye konyima zosiruwo kavakayivahokwene. Mukoso goyo kavazonagwire kuna kumoneka asi vahepa kufuta yimaliva yina siki ko N$15 650 mokuwapukurura oyo kavazonagwire.
Muporosi gokoruha roukorokotji nomakonakono komisaragona Silvanus Nghishidimbwa, katente asi vagara ntambali wombunga ozo kavadivahametere, nkera ngurangura ano ngesi kuna kuvandindira vakamoneke kompanguro nayina.
Nghishidimbwa katente asi nomukaro dona dangesi dokulitoona ndi dokulitangwisa, widi nomahaka kuzonagura emona vana vauzegwilire rambangako varondi womobesa. Apa kauyungire age mosipangero Nanghalu katanterere sayitunga zaNew Era asi age kakere tahumburura munona ogu kapitwire poruha rwa Brakwater, awo kavagwene po mukadi ana kundindira ogo kapitwire.
Ano konyima tavamono nye asi vagara vavali vana kuwiza nokutantera ogu ana kuhimburura nomurongero dogo mukadona agenderereko, morwa awo vana hara kuzako. Ano ogo kahimburwirenye nomurongero tapura asi morwa sinke vana kuruganesera nonkango dangesi, nye owo vana kuuyunga awo kuna kutwikira ngorooro.
Nanghalu tatanta asi aga hokwa kutara gumwe gwawo nare ana yamugumu monturo. Ano gwauvali nare anamutjisire yikorwesa nokugazara asi ngano amuvete ekende olyo nye age yiyo kalilikandwire makura mukaro dogoro kaguzire nye kokudona. Ano Nanghalu apa nye kagende gokuhova gumwe gwawo yipo kawizire amusange keho. Gumwe tawiza hena nositji nokutonange kokuwoko makura nonkondo nado mwato.
Ano gwautano kawizire tavetenge nositji momutwe, yimo ana kuuyunga musingi gobesa. Nokutanta asi sivaro sawo makura yiyo nye kasivhukire. Vagara ava makura yiyo kavazire nye kobesa nokutameka kutona varondi womobesa.
Apa nye kani mwene mpito kanidukire ngano asi nikasinge nye kapi ninakuvhura gumwe gwawo yipo katoonenenge sitji hawe kukapinduka mosipangero.Ano kutunda op okapi kanidivire hena asi yinke kayihorokere, yimo ana kutanta Nanghalu. Nanghalu simpe kuna kugwedako asi kapi kavhulire morwa vamwe wokuronda mobesa kavakere tavakava omu kavamukwete komawoko siruwo oso vahomokeli awo kuna kutoona.
Age kuna kupura asi ngesi ngapi navhura kutekura vana vendi wokusika ko 18, vamwe kuna kara asi simpe vana sure. Awo ngesi tavahepa unene, yimo ana kutanta. Yinke nye nayivahorokera?
Gumwe govampitisili govahomokeli kayinkondopekere asi vamwe vawo vana vakwata vaporosi nye kapi ana diva nawa-nawa asi yinke kayihorokere.