SWAKOPMUND – Omufita wongeleka yoshiveva Felix Kudumo Kandjimi okwe lifutila mo modolongo noshimaliwa shoN$2 000 konima eshi a holoka momhangu yaSwakopmund onghela.
Oshibofa shaye osha undulilwa komafiku 31 Kotoba 2023 omanga opolifi tai ningi omakonakono omoule.
Kandjimi wongeleka yoChrist Centre Ministry okwa li a kwatwa po oshivike sha dja ko konima eshi vati a tula omaadi koukainhu nokomavele ovakainhu vavali pefimbo kwa li te va ilikanene.
Oshiningwanima osha ningwa keumbo laye molukanda Mondesa.
Opolifi oya hokolola tai ti Kandjimi okwa tula ovakainhu omaadi lwoikando ya yooloka.
fhamalwa@nepc.com.na