ONGWEDIVA – Opolifi yaNdangwa oya lopotelwa oshiningwanima omo ohauto yehangano lomapako vati ya kondama manga ya li ya humbata omudimba.
Otaku hokololwa okabesa kehangano lomapako ka li taka di kOtjiwarongo ka uka koWarmquelle, ka humbata omudimba novatwaalewa vane. Manga ve li pokati koBergsig noPalamvag, okuyuka poPalmpos, omushingi okwa nyengwa okupangela osheendifo ndele tashi uka kopate. Moshiponga omo omwa fila omulumenhu umwe weedula 42 Erwin Vekondjisaiye Uazunga. Ovatwaalelwa vakwao vatatu nomushingi ova mona oiponga, omanga omudimba wa umbwa mo moshikefa. Eshi oshimwe shomoiningwanima ya lopotwa mexuliloshivike omo ovanhu ve li po13 va xulifa omafyo ombaadilila.
Omunamido omi-50 Linus Kornelius Endjala, okwa lopotwa a xulifila moshiponga shotuwa konima eshi elola lobesa omo a li la topa. Oshiningwanima eshi osha ningilwa konyala eekilometa 50 okudja moNoordoewer, okuuka koGrunau. Omushingi womido 48 okwa tambulilwa moshipangelo. Okwa lopotwa yoo Hilary Muuba Sinvula, 24, a lopotwa a xulifa moKhorixas eshi a pila mokabashu ita dulu okudimbululwa koshipala. Ovapambele ova shiivifilwa nomakonakono opolifi otaa pula komesho. Oshiningwanima eshi osha ningilwa kolukanda laDonkerhoek.
Aino Magano Andreas 41, ye okwa lopotwa e lidipaa konima eshi a nwa onduba yeepela. Eepela vati opo da hangika ponhele opo e li dipae. Eshi osha ningilwa moNkurenkuru, poShoprite Flats.
Omukainhu omunamido 28 naye okwa lopotwa e limangelekela momuti u li komesho yeumbo lavo momukunda Oshitukafitu. Nakufya oye Shapumba Jacob Shipingana. Vati ina fiya po omushangwa tau holola kutya omolwashike e likufila omwenyo.
Natango olutu lomunhu e heshivike ola hangika momulamba koNorthern Industry mOvenduka. Otaku fekelwa kutya nakufya ou okwe limangeleka.
Okwa lopotwa yoo Omukainhu wedina Helena Ndilipukuku omunamido 34 naye a hangika e limangelekela monduda yokunangala mOndangwa.
MOndangwa omo tuu omo, opolifi oya kwata po omulumenhu womido 43 eshi vati a lyata nokudipaa omunhu kotuwa ponhele opo hapa tauluka ovaendi vokolupadi. Otaku fekelwa omushingi ou a li e li koshi yodungo ile oingangamifi. Omufekelwa ou omushingi wotuwa yoFord Ranger, vati okwa li ta kendabala okufaduka po, ye okwa anya okukufwa ohonde ile okufudila mokashina kokutala ondodo youkolwe. Nakufya ina tongololwa. Natango omunamido Brave Tjizera Kavari okwa lopotwa a xulifa konima eshi a tuwa noshinima shiheshivike ponhele yomaninwo yashiivika nawa Bix Car wash poSingle Quarters moWindhoek. Okwa lopotwa yoo Omunamido 68 years Tjooya Pari wokomukunda Okarare momudingoko wEhomba a wa koshipundi noku xulifa poshikando. Ovapambele vaye ova shivifilwa. Moses Kakuni Shimbilingwa, 49 naye okwa lopotwa a xulifila koshipangelo konima ashike yoku helula eendongelwa mololi kokamba yomatungo mo Henties Bay
Mo lukanda laKuisebmund moWalvis bay, omwa lopotwa ohanana yeemwedi hamano yelituwa yaxulifa ku ina monduda yokunangala, nosheetifi shefyo kashishivike. Okaana aka oko at Monalisa Karmela Gisilia Haipinge.