Omufita wongeleka yaElcin Aipinge Shivute weedula 37 ou ta tamanekelwa ekwatonghonga lokakadona keedula 18, okwa anyenwa omhito yokulifutila mo modolongo pefimbo a holoka momhangu yaUtapi onghela.
Oshibofa shaye osha undulilwa komafiku 17 June 2024 opo ku ningwe omakonakono omoule.
Shivute ota pangulilwa oshibofa shekwatonghonga nokwa ninga omafiku ta kongwa kopolifi.
Ota ku hokololwa kutya omufita ou okwe li twala yemwene kopolifi.
Omukulunhu koshikondo shokukonakona oimbuluma wopolifi mOmusati omupedu Commissioner Moses Simaho okwa hokololwa ta ti oshiningwanima eshi osha ningilwa komukunda Okando moshikandjohoololo shaKalongo, pokati komudo 2020-2022, pefimbo okaana kwa li ke na omido 15,.
Okwa hokolola ta ti okaana oka kwatwa onghonga lwoikando ya yooloka.
– fhamalwa@nepc.com.na