Opolisi yaShana otayi indile moshigwana ngele ope na ngoka e na uuyelele wu na sha naampoka pena aantu mboka ya yaha momutse noku yuga omukeleli gwomaliko iinima ye.
Otaku hokololwa kutya omulumentu ngoka gwedhina Vantura Ernesto Kapulunga a tambelewa moshipangelo shaNandjokwe tango nokonima yethimbo okwali a tumina koshipangelo oshinene shaShakati e li monkalo ombwinayi.
Omugandji gomauyelele gwopolisi moshitopolwa shaShana Frieda Shikole okwa ti, oshiningwanima shoka osha holoka mOndangwa koongulasha dhOsoondaha.
Kapulunga ngoka ha longele ehangano lyaEpafu Security, anuwa okwa ponokelwa kaalumentu yatatu ethimbo a adhika ta zi kiilonga, kehala tali ithanwa Cool Step Pub.
Aalumentu mboka anuwa oye mu yaha momuste nondjembo yawo, etaye mu kutha ondjembo ye yiilonga oshowo ongodhi ye yo peke.
vkaapanda@nepc.com.na