K o m u f a l a w o s h i k o n d o sheedolongo nevyulonghalo (NCS) Commissioner General Raphae l Hamunyel a okwa kunghilila ovanambelewa ava tava ningile ovanyasha omapulapulo ile omakonakono opo vaha longife oulingilingi.
H a m u n y e l a o k w a t i ombelelewa yaye ita ka fiya emanya la londa kuli kwao kombinga yovanambelewa tava longifa oulingilingi okutula omadina ovakwapata vavo momusholondodo wovanyasha va pita omakonakono.
Onghee okwa ti kukeshe omunambelewa te shi ningi ota ka ninga oshihopaenenwa shavakwao eshi ta kala a pewa ehandukilo lopaveta.
Hamunyela edi okwe di popya Etivali pefimbo kwa li ta nyamukula omapulo kombinga yovanambelewa vati tava longifa oulingilingi onghee eshi osha eta oshiwana opo shi kale tashi nyenyeta. Ovakwashiwana otava nyenyeta kutya ovanambelewa itava longo pauyuuki eshi vati hava kala tava shange omadina ovakwapata vavo kutya ova pita omakonakono ile omapulapulo opo va dule okumona oilonga.
Omukwashiwana umwe okwa lombwela Kundana ta ti ovanhu vamwe inava lotoka ominute edi da tulwa po ashike omadina avo okwa shangwa kutya ova pita omanga vamwe inava lotoka nokuli.
Hamunyela okwa ti kukeshe omukwashiwana e na ouyelele kombinga yomunambelewa ta longifa oulingilingi na kale a lopotela ombelewa yaye diva.
“Onde lilongekida okukala nda kufa mo omadina ovanyasha ovo taku hokololwa kutya omadina avo okwa shangwa paulingilingi molwaashi va dopa omakonakono otete,” Hamunyela ta ti. Okwa yelifa ta ti ovanyasha aveshe tava ka kufa ombinga momadeulo ile momapulapulo nava yakulwe shi fike pamwe pehe na ou ta ningilwa okatongo. “Oilonga otai pewa ashike omunhu ou a pita omakonakono, omapulapulo noshoyo omadeulo ashike eshi nashi ningwe pauyuuki,” ta ti.
Okwa weda po ta ti eshi ovanyasha tava ka ninga omapulapulo, ovanambelewa nave likaleke kokule nokulongifa oulingilingi shaashi otashi eta va kanife oilonga sha monika mo.
Ovanyasha 15 000 okwa li va kufa ombinga momakonakono otete oshivike sha dja ko ashike ovanyasha 260 ashike ve shi pondola okupita omakonakono otete. Ovanyasha va pita omakonakono otava ka ya komapulapulo ngeenge va shivifilwa efiku.
fhamalwa@nepc.com.na