Omukulunhuwiliki mouministeli wouhaku nonghalo nawa Ben Nangombe okwa kumaida oshiwana opo shi ka tunhilwe ombuto yoCovid-19 shaashi osha fimana ngeenge omunhu a tunhilwa opo a kale e li a mena kombuto.
Nangombe okwa omudo wa djako muDesemba ovanhu 1882 ova ningilwa omakonakono ombuto yoCovid-19 konima eshi ovanhu va kale tava ulike omadiliko ombuto.
Okwa yelifa ta ti ovanhu 166 ova monika ombuto yoCovid-19 konima yomakonakono.
Oshitukulwa shaKhomas osho shi li pombada nomwaalu wovanhu va kwatwa kombuto 89, Erongo 38, Oshana 15 omanga Omusati, Otjozondjupa noKaras 6.
Oitukulwa ngaashi Kavango East, Kavango West, Kunene noZambezi ina mu lopotwa ovanhu va kwatwa kombuto yoCovid-19.
Okwa weda po ta ti ovanhu aveshe va kwatwa kombuto yoCovid-19 ka pena ou e li moshipangelo ashike ove li komaumbo avo tave li fiile oshisho vene.
Edi Nangombe okwe dipopya Etitatu eshi a ninga eenghundafana naKundana ta hokolola ta ti ovanhu nava twikile oku li ufa komilandu doCovid-19 shaashi moshilongo natango omu na ovanhu va kwatwa kombuto.
“Otuna omiti da wana noshoyo ovanailonga voumndjowelele vahapu komandi ayeshe ouhaku koitukulwa aishe onghee oshiwana nashi holoke momwaalu muhapu oku ya komandiki ouhaku opo shi ka tunhilwe ombuto,” ta ti.
Okwa kunghilila oshiwana opo shi xulife po okukala tashi tandaveleke ouyelele woipupulu kombinga yombuto yoCovid-19, shaashi otashi pukifa oshiwana.
“Ouministeli wouhaku otau twikile nokulonga noudinini opo ukwashipaleke kutya otau lwifa ombuto ei, onghee natango ohatu twikile nokulonga nelitulemo shaashi ohatu lalakanene okukala twa xulifa po ombuto ei moshilongo,” Nangombe ta ti.
fhamalwa@nepc.com.na