Charles Ndeumane
ONGWEDIVA – M o o m w e d h i n d h ika okw a ndhindhilikwa iipotha yaanona aashona taya tamanekelwa iimbuluma i i n e n e , n g a a s h i omakwatonkonga, oshowo e landitho nelongitho lyiingangamithi.
Iipotha iyali iitalala oyo mbyoka ya ningwa mOngwediva moka aanona yaali ya kwatelwa poosikola — poCharles Anderson noshowo pEkwatho mpoka pwa kwatelwa aanona – kamwe oka kwata okanona okakwao koonkondo, nakamwe oka adhika taka landitha iingangamithi.
O m u n i i l o n g a g w o n k a l o n a w a yuundjolowele mOshana ngoka inaa hala edhina lye lyi tumbulwe okwa ti omukundu nguka gwaanona taya kutha ombinga mokulonga iimbuluma ogwa hanya mOshana. Omuniilonga nguka okwa totha mo oosikola dhi li momalukanda nenge popepi nomalukanda mu na aanona taya longitha iingangamithi.
“Ethimbo nethimbo ohatu ungaunga niipotha yaanona mbaka – taya yi nomapangwe koosikola – yamwe ohaya pewa kaavali yawo ya ka landithe. Mwadhina GwaNembenge nEvululuko odho unene oosikola dhi na uupyakadhi mbuka,” omuniilonga ta fatulula ngaanga.
Oshikumungu shika shaanona taya kutha ombinga miimbuluma iinene osha gwedha komukundu ngoka opolisi mOshana ya lumbu ethimbo nagwo gwondholongo yopolisi yu udha noonkondo. Omukuluntu gwopolisi moshitopolwa shaShana Commissioner Naftal Lungameni Sackaria okwa lombwele New Era kutya mondholongo yopolisi kamu na ehala moka aananona mboka taya vulu okwiikalekelwa, oye na ashike okutulwa mumwe
naakuluntu. “Uuna tu na aanona moondjedhililo dhetu ohatu kambadhala oku ya itulila, ashike moompito odhindji ohatu iyadha twaa na ehala moka taya vulu okwiitulilwa, onkene otu na owala oku ya tula mumwe naanandholongo aakuluntu,” Lungameni ta ti.
Uukololo wokulala mondholongo mOshakati owuhe kumwe owa uthilwa ashike okukala aantu ye li 300, ashike mopaife owu na aanandholongo ya pita po 500.
Lungameni okwa ti aakomeho moshikondo shopolisi oya tseyithilwa nale, nopaliamende okwa li ya tuma ko okakomisi ka ka konakone onkalo yondholongo yopolisi mOshakati. Okwa tsikile ta ti otashi ka kwathela unene ngele opolisi moshitopolwa mOshana oya yambidhilwa nokutungilwa uukololo wondholongo uupe, opo owala aanona mboka ye li mondjeedhililo ya taya vulu okwiikalekelwa.
Deputy Commissioner Fredrick Ndjadila okwa lombwele onzonkundana ndjika kutya iipotha yaanona aashona taya tamanekelwa iimbuluma iinene otayi ningi oyindj i, unene tuu yomakwatonkonga. “Iiwike itatu ya piti opolisi moshitopolwa shaMusati oya manga po okamati koomvula dhopevi sho ka kwata okakadhona okanasikola pamwe nako, oshipotha shika osha ningi oshinene oshoka okamati oka ningile nakuninga oshihakanwa omatilitho shoka sha etitha ka tindilwe nompito yokwi i futi la mo, nongashingeyi oke li mondjedhililo,” osho Ndjadila a ti.
-Mrndeumaneray charles@gmail.com