Charles Ndeumane
Epangelo olya gandja omakwatho sha landula oshiponga shomulilo shoka sha faalele oomwenyo dhaantu yaali noku hanagula po omalukalwa gahamoano moWalvisbay.
Shi ikolelela komushangwa gwa zi kombelewa yomupilima gwa tuma kiikundaneki, epangelo olya gandja omakwatho koofamili hamano oku pitila moshiketha shopashigwana shomayambidhidho gena sha niiponga yopaushitwe.
Omayambindhindo ngoka oga kwatela mo oshimaliwa sho N$10 000 tayi ka gandja yi ka kwathele momalongekidho gefumbiko lyanakusa Lineekela Nangula Ndeunyema (38) nokanomakadhona ke Ndevaamena Linea Kombanda (16) mboka ya pile momulilo moka.
Momasiku 5 Juni 2024 omulilo ogwa tukuka molukanda lwaKuisebmund moWalvisbay. Oshiponga shoka osha thigi wo oofamili hamano kaadhi na omalukalwa.
Kehe ofamili ya ehamekwa komulilo ngoka oya pewa omakwatho ga kwatela mo ootenda dhoku lala, omatalashe, iikumbatha, omakende gomagadhi goku lya ge li 12, ooshako dhi li ne dhuusila wepungu, oshowo oondooha dhooho dhili 24.