Charles Ndeumane
ONGWEDIVA – Opolisi moshitopolwa shaMusati oya lopota eso lyombaadhilila lyomunamvimo 70 ngoka iimangeleke momukunda Iikokola.
Okwa lopotwa kutya omunamimvo 70 Nendongo Klaudia okwi imangeleke nongodhi momuti megumbo lyawo momukunda Iikokola mOsoondaha yomasiku 9 Juni 2024 konima ashike yokathimbo okashona sho a kana po. Opolisi oya ti nakusa ina thiga po okatumwalaka. Omudhimba ogwa falwa kokila yomidhimba yopolisi yaKahao. Ofamili yanakusa oya tseyithilwa, nomakonakono gopolisi otaga tsikile.
Opolisi moshitopolwa shaMusati oya lopota iipotha iyali yuufuthi wiimuna. Moshipotha shotanngo, omulumentu gwomimvo 29 Shaango Pandeni okwa mangwa po kopolisi sho ta tamenekwa a yaka po oshikombo shaTrefina Shishani Malima shongushu yoN$1000 momasiku 4 Juni 2024 momukunda Oshitumbe mOnesi.
Ot ku fekelwa kutya oshikombo okwe shi hingi mo miikwawo pethimbo a adha tayi li melundu. Konima yokukonga, onyama ashike yaadhika po. Omufekelwa okwa mangwa po, nota ka holoka mompangu yamangestalata gwOutapi momasiku 10 Juni 2024.
Moshipotha oshitiyali shuufuthi wiimuna, opolisi moshitopolwa shaMusati oya manga po omukwashigwana gwaAngola Batista Pedru (18), ngoka ta fekelwa a yi koshigunda shaHileni Elio (59) momukunda Omatemba moRuacana ndele ta yaka ko onzi yongushu yo N$ 1800.
Sigo oompaka kapuna shoka sha monika po, nomakonakono gopolisi ota ga tsikile. Moshipotha sha yooloka, opolisi moshitopolwa shaMusati oya manga po omufekelwa ngoka ta ku fekelwa a longitha oshinima kaashi shiwike moku teya omweelo ndele etayi mondunda ya Mateus Gabriel, omukalimo gwomomukunda Omahenene mOnesi, ndele eta yaka mo iinima yongushu N$14 000, mwa kwatelwa ekende lyohaasa lyookilohalama 11, okompiyuta yime yo HP notyaatyela yayo, oshowo N$ 500 koomuma.
Opolisi oyeshipondo okumona okompiyuta ndjoka notyatyela yayo, oshowo oshimali koomuma sho N$ 500. Omufekelwa okwa holoka nale mompangu yamangestrata gwUutapi, nomakonakono gopolisi ota ga tsikile.
–mrndeumaneraycharles@gmail.com