Isai Sipunga

Bayahi ba Otjomuise mwa tolopo ya Windoko neba komokisizwe ki kezo ya lifu la Kevin Kasuto yanana ni lilimo ze mashumi amalalu kazelobapeli. Lipiho neli ize Kasuto natabilwe ni kubulaiwa la 20 Sikulu 2024, mwa likululu la Ompanda. Kukulubelwa kuli Kasuto natabilwe ni tipa, kwa mulala ili taba yene itisize lifu la hae. 

Mapokola neba tamile musali walilimo zemashumi amabeli kazelobapeli. Mapokola neba ize tipa yekulubelwa kuli ne sebelisizwe nefumanwi.

Lipatisiso lizwelapili, mi hakuna zeñwi zepatalalizwe hala sene sitisize kuli musali atabe muuna yo tipa. Sibuabui wasipokola Kauna Shikwambi nasikafa piho mi hakuna lipaki zebonahalile. Mwapiho yeñwi kwa Walvis Bay kwa mukulela wa liwate, musali yomuñwi nawile hana zamaya mi nashwezi onafo. Malonda bane bali famusebezi neba boni kezo yeo mi neba likile kueza moba konela. Musali namatiselizwe kwa sipatela kono nekupalile, mi nailo patalazwa kuli nashwile hayo fita feela. Libizo la hae hali sika zibwa mi mapokola neba kile bakupa bena batonda bahabo kubonana ni mapokola. Lipatiso za mapokola lizwelapili.