OMEGA 1 – Nihakubonahala kuli kuna ni butata kufumana sico sa kazazi kufepa mabasi abona. Makwengo ba ba pila kwa Omega 1 mwasikiliti sa Kavango ya Upa, neba itumezi kwa mubuso kakubafa lico zalinanga. Babapila mwa sibaka sa pabalelo ya lifolofolo sa Bwabwata, sicaba sipilela fakulima masimu, kucala bubeke kupilisa mabasi abona.

Yomunca kwa Omega1, James Smit, yanasika feza hande sikolo, naize batalimana ni tala kakuli hakusikaba ni kutulo yende bakeñisa kutokwa pula yende unumwaha. Naize bupilo bwa tatafala kakuli kufumana sico kutata. 

Sicaba sibulela kuli nebangile nako yetelele balibezi tiululo. “Nelufumananga lico zalinanga kasamulaho alikweli zetalu. Lico zamafelo zene lufumani neli mwa kweli ya Lungu. Kacwalo kulubezi tata kupila, kakuli hakubunolo kufumana sico kwanu. 

Batu hababeleki, mi hakuna misebezi. Kono, luitumela kwa lico za linanga ni ha lisatahi kweli ni kweli. Luitumela kwa mubuso waluna kaseo usweli kulu ezeza, kakuba sicaba sa Makwengo ili kuli lukone kuikabela lico mwa linako ze zetata,” nekubulezi Smit. Muyahi yomuñwi, Dorina Ndjangara, kalibe yeli mushemi, naize, “nelu limile ni kucala mauza, kono nelu swabisizwe kikutokwa pula. Kacwalo, lico ze zalinanga zilutusa kuli lupile.” 

Sicaba sa Makwengo nesi ize bafumana tukotana twa bupi twa 10kg twa bupi, mafula amabeli akutatehisa ni nama ya mwamakapa. Sicaba nesi ize sitabela kufumana mapurojekiti kunanula babanca. Kono, nebaize nihakuna ni zeo bakaba ni kabelo mwaliketisa. “Luitumela kuseo mubuso ulu ezeza. Lukaya kwa Kubota,” Smit nabulezi.