Nonando kwa ndhindhilikwa kutya aantu ye vule po2000 moNamibia aanangeshefa, haya yambindhindha iiyemo yoshilongo noopelesenda 30, natango oya kumagindhwa ya tsikile okuya po noongeshefa ooshona nodhopokati.
Ndhoka odha po piwa komunambelewa muuministeli wiikwafambilika konooli Shikongeni Ntinda sho kwali ta gandja omalongo nokufatulula kombinga yesimano lyoongeshefa koshitopolwa shaMusati oshiwike sha zi ko.
“Shika otandi shi popi okulongekindha aanyasha mboka ya taalela omauliko giipindi ngoka ga fuma ko taga ithanwa “Omusati SME Youth Expo, ngoka taga ka kala ko momasiku gatatu sigo gahamanao gaOkotomba nuumvo taga ningilwa mehala Olufuku mOutapi,” ta ti gaaka.
Ntinda ta ti, aantu oya pumbwa okuya po noongeshefa opo eliko lyoshilongo lyi koke opo wo iilonga tayi indjipala moshilongo. Okupitila momikalo ndhoka ondjala noluhepo otalu kandulwapo.
Ntinda okwa thindi omuthindo kutya aantu oya pumbwa okukundathana onga aanangeshefa nkene yena okushi enditha nawa.
“Mboka ye na ehala lyokuninga aanangeshefa naya kale ye na elalakano lyokuninga oshimaliwa, niilonga tayi landula ko.
Ta ti, momayalulo gopashigwana ngoka gwa pitithwa, Outapi owu na aanyasha yethike poopelesenda 40 yaana iilonga, ihe okwa popi kutya eye po lyoongeshefa otali vulu okukandula po uupyakandhi mboka wo kwaana iilonga mokati kaanyasha.
Ntinda esiku ndyoka okwa popi kutya moshilongo omuna oongeshefa dhili 200 000 ndhoka dha ndhindhilikwa, hadhi yambindhindha noopelesenda 30 koGDP moshilongo.
‘’Muuyuni awihe oongeshefa ooshona nodho po kati odha ndhindhilikwa dhili poopelesenda 90 nodha gandja iilonga oopelesenda 50,” ta ti ngaaka.
Silas Shikoyeni ngoka ena ehalo okuya po nongeshefa ye okwa ti uudhigu oshimaliwa shoku tameka ongesha.
‘’Uunongo otu wuna aanyasha, omandhilandhilo goongeshefa otu gana, ashike oshimaliwa uupyakandhi. Epangelo olya pumbwa okuyambindhindha aantu noshimaliwa, unene mo kati kaanyasha opo ya vule okuya po noongeshefa,” ta po pi ngaaka.
Ta gwedha po o pena oopoloyeka ndhoka handhi gandjwa, ihe ohadhi gandjwa koohandimwe no hadhi gandjwa nuundhigu.