David Detona 

Mukunda horowero gomoVenduka ruha roupumezuva, kupitira mondango zovakansela womukunda Khomas, sivike kasipwire kavageve mauhwi konyara mulyo gokusika ko N$300 000 konosure mbali. 

Uhwi ou kuna kara nye nokompuyuta murongo, nonguwo 60, 78 mudwaro gosure, 39 nonkaku dosure,39 yikouse, 11 nondjato ntani 39 notaye. 

Sure zaCentaurus zosekondere kazigwene nokompuyuta, eyi nayininkisa nye vatware unkurungu komeho omu yina kara asi yipo varongwa novarongi vagwederere udivi wawo moruha rwangesi. 

Omu nye vanalituramo asi vahepa kuwapukurura mukaro gerongo, vanona nye vana kara asi wonnsigwe ndi woruhepo posure zaSuiderhof awo kavagwene nye mbatero ngwendi asi nondjato dokosure, mudwaro ntani nonkaku omu yinatamba asi vawapukurure mukaro gwawo gomalirongo. 

Brian Black, kansela gwaWindhoek East momukunda horowero gwaKhomas, katente asi uhwi ou, konosure kuna kara uhwi wouwa womutaro vanagava kutunda konomutjima dawo, omu nayireta nye uwa mokatji kovarongwa navenye vana gwanenemo uwa ou.

 Mukurona sure gosure zaCentaurus zepeguru, Reinardine Kamehozu, kapandwire mberewa zakansela mokugava uhwi wangesi. 

Koruha rwendi mukuronasure gosuregona zaSuiderhof, Alna Similo, katente asi vanona kuna pumbwa momunene uhwi ou vanagwana, ano ngesi kuna kara asi kuna utambura momunene omu vana huguvara asi nayiwapukurura erongo lyovanona ava.