Auleria Wakudumo
Omulumenhu weedula 47, Fillipus Shipanga okwa xulifa moshiponga shotuwa onguloshi yOmaandaxa mopate yopokati yaTsumeb naTsintsabis.
Moshiponga omo tuu omo omwa monena ovanhu vahetatu oshiponga nove li tava mono epango lopaunamiti moshipangelo shepangelo moTsumeb.
Oshiningwanima osha kolekwa komupopiliko wopolifi moshitukulwa shaShikoto, Chief Inspector Ellen Nehale- Kangulu.
Okwa tu otuwa oyo ya li tai di kofaalama Eben Ezer i li kombinga yaTsumeb, i na ovatwaalelwa vahetatu oya kendabala okuhenuka shinyengu.
Omushingi vati okwa nyengwa okupangela oshiendifo, osho sha etela otuwa i nhuke ko kopate.
Otuwa vati oya alangata oikando ihapu, manga inai kanghama. Ovatwaalelwa aveshe vaheyali ova ehamekwa neenghono naShipanga okwa xulifa mokufika moshipangelo shaTsumeb.
Ovatwaalelwa ove li monghalo i li xwepo.