Linea Dishena
Konyara yimpanda yokusika 46, muna hamene 35 yoyisovagavani ntani 11 wayimpanda yoyinzera, ava vadipaga mevango lya Etosha National Park vadipaga vasani momvhura ezi 2024, ministera gekungo nsintwe, nokungo wiza Pohamba Shifeta yimo ana kutanta. Age kageve mbudi ezi mositata moVenduka sivike sina puko apa nye gava gwendi mahauto 22 ntani yiruganeso pampepo, yina kara nomulyo gokusika ko N$19.8 million yize koministeli vakawapayike ekeverero lyoyikorama. Uhwi ou kuna kara woyimaliwa yokutunda koGerman kampani zeni kara kara zokugwana uwa koKfW development bank.
Shifeta katente asi vakwate ava vana kudipaga vayimpanda ndi vavanzovhu mokuvapakerera mosivaro sokusika ko 143 mo 2023 dogoro 91 mo 2024. Nkaka kwakara asi yasesupa kutunda 60 ano ngesi eyi varapotako kuna kara tupu 30. ‘’ Nampili ngomu nye twagava magano twaromo getu, omu tuna kara asi varugani vetu vakare nedidiliko lyawo, omu navagwana nye owo vana kusana yimuna yetu omu navatunga mavango gokukeverera, omu navarwanesa mukaro gokusana pontambo zouzuni omu avagwanekere novakwawo mwaza uzuni omu yina kara asi udigu unene nsene yikara asi mbunga zouzuni kapi nazikara noudigu wosimaliwa ngano nawa tupu. ‘’ Uhwi ou kavageve naukawapukurura yirugana yawo omu nava kawapukurura egendeso mokupopera yikorama ntani mokuyikeverera nomokugava yitundwamo unene komaholi ogo navakaruganesa.
Mahauto gokuruganesa maholi vahepa kugatura nye pepi nevango eli twakara morwa yipo nye tusesupike eruganeso maholi momunene. Age kagwedereko asi vatungimo monomukunda dop kuna kuhepa unene pasimaliwa, unene koruteni oru runa karako ngesi, eyi yina vaninkisa vakatre asi bvamwe vana kara moruhepo rotrunene morwa mukaro nye ogu vana kuruganesa wokusiana pwahana asi paveta. Posilika sooso, German mukarelipo gwawo moNamibia Thorsten Hutter katente asi kupungura moyininke yangesi nomoyikorama mokuyikeverera kuna kara mulyo unene moNamibia. Age simpe katente asi epunguro eli nalininkisa Namibia vakara momukaro gomuwa omu vana kukeverera runone rwawo yipo asi muhoko gokomeho vakayiruganesa hena . uhwi ou kavagwene kuna kara mahauto 21 go 4×4 gokuruganesa maholi gopetrol, eli limwe tukara, ntani yiruganeso younkurungu. –Nampa