Lahja Nashuuta

Katengo katolopo ya Windoko kanyatezi mulelo wakucinca libizo la likululu la Sheffield kuba FF.M.S. Khama, ili kutompa nyandi Methuselah Simataa Khama, yana timezi ali famusebezi. 

Meya watolopo ya Windoko Queen Kamati nazibahalize viki yefelile kanako yamukopano wakatengo. Nyandi Khama neli mulwanisi wamulilo, mi nazibahala katundamo yahae, bundume ni buitomboli mwalilimo zelishumi kazesilezi zamusebezi wahae kwa katengo katolopo ya Windoko.

 Khama natimezi mwa kozi yafamukwakwa la 7 Sikulu 2024, hane akutela kwamusebezi kuzwelela kwa kezahalo ya motikala yelonga bakuli. Kamati naize kezahalo ya zibahazo yeo haki kezo feela, “kitoloko ni temuho ya pilutelele ya buitomboli lindume za baana ni basali baba belekela katengo katolopo ya Windoko mwa mutayi wakutimisa mulilo. Methuselah Simataa Khama neli wababañwi bao, mi libizo lahae liswanela kuba tompo ya kuyakuile. 

Nabulezi hape kuli, “Kucinca libizo la likululu iba kupuzo yabuitomboli bwa hae ni zende zana ezelize babañata. Ki kakezo yeo lubata kubona kuli masika asataha alemuha musebezi wabatisi bamulilo wakubea bupilo bwabona mwakozi kuli bapuluse ni kusileleza babañwi.” 

Kamati naize libizo la cwale la Sheffield, halina toloko mwanaha, lizwelela falibizo la tolopo yefumaneha mwanaha England, mi hakuna fokubonisa fokusweu kuli linungahanwa cwañi kwatolopo ya Windoko. 

Naekelize kuli likululu halika bizwa FF.M.S. Khama, tolopo ika tompa kupuzo yamutu wayona: mutimisi wamulilo yana file bupilo bwa hae kusebeleza sicaba.