OKAHAO- Oshilyo shomutumba wopashiwana Natangwe Iithete okwa kumaida ovanyasha opo va xulife po okuholeka po oukalata vokuhoolola vovakulupe. 

Iithete edi okwe di popya pefimbo loshiongalele shoSwapo osho sha li kOkahao mOlomakaya. 

Okwa ti okwa lopotelwa onghalo yovanyasha tava holeke po oukalata vovakulupe nokungambekwa okukahoolola. 

“Ovanyasha ina va hala ovakulupe va ka hoolole Swapo,” ta ti. Ovanamibia ova teelela vaka hoolole omupresiedente noilyo yomutumba wopashiwana mEt i tatu loshivike eshi , neengudu dopapolitika dihapu moshilongo exuliloshivike eshi oda ninga oyoongalele yado yaxuuninwa keenhele dayooloka. 

Okwa teelelwa eengudu 15 dipapolitika tadi ka kufa ombinga. Iithete okwa ti ovakulupe inava pumbwa okungambekwa okulongifa oufemba wavo wokuhoolola. 

“Efeni ovakulupe va ka hoolole Swapo shaashi ova pandula oilonga iwa ya longwa koSwapo,” ta ti. 

Iithete okwa lombwela oshiwana opo shi ka hoolole omuul i kwa woho ol o lwa Presidente woSwapo Netumbo Nandi-Ndaitwa. 

“Indeni mu ka hoolole Swapo. Ina mu ninga nande epuko okukahoolola eengudu domilameno,” ta ti. 

Okwa ti Swapo ongudu ina ondjokonona iwa nolukeno lokuyambidida oshiwana. 

Omunange shefa Davi d Sheehama a shivika nawa Kambwa okwa kumai d a ovanyasha opo va ka hoolole Swapo molwashi otava ka pewa oilonga. 

“Swapo ota ka yandja omikuli kovanyasha okutotapo eengeshe davo. Ka pena omunyasha ta ka dengwa koluhepo,” ta ti. 

Mexuliloshivike okwa ningwa oikonga yopapolitika yoSwapo nelalakano okuxwaxwameka oshiwana okukahoolola Swapo. 

Eengudu domilameno nado oda ninga oikonga yopapolitika mexuliloshivike. 

ECN pamwe nopolifi ove li longekida okukalekapo eameno nelandulafano mefiku lomahoololo. 

-fhamalwa@nepc.com.na