Jazema Hangero

Omunangongo woruveze rwanambano wa Kaoko, Esegiël Maniki Mburura, me riyarikaṋa kohoromende okutuurungira mOministiri yOmahongero Ovimemwa vyOkomake nOmbazu okuyandja ozombatero kovitjitwa nomanyando wovimemwa vyokomake.

Pamwe novihepwa noviungurisiwa avihe mbi heperwa po na weza kokutja i paturure omivere pekepeke kovameme vovimemwa vyokomake kokutja ave ha nyono oviyandjewa, ounongo nozondunge tjinene oiri noruveze rwawo. 

Embo re ehongonekwa”okumunikisa Onamibia nawa okutuurungira moviungura vyokomake”. 

Noondarire kutja eye omuini wa kwatwa nombepo nombango yovinangongo, wa hwangwa i yomuperende wakatjoruhonga ngu tjiukwa otja: Bobby, The man K Matundu na Linux Tjivahe Kakuva.

“Ovinangongo vi nozombwiro ozengi tjinene. Tji u perenda okutja oove omuungure wotjimariva mena rokutja u riungurira, u rira omuhona kove omuini. Tji we rihongo komurungu mo yenene okukarira omiṱiri yoviungura vyokomake mozosikore ozombirivate poo zohoromende,” Mburura ma tja. 

“Ouzeu mbu tu muna motjitamba hi, ouhepe woviungurisiwa tjimuna ozosaruve, oviperenderwa noviperende pamwe novihwe. Oumba ounene okuhina oruveze pu mo ungurire oviungura vyoye mbi ouhara notuveze ku matu yenene okukatjiukisira poo okurandisira po ovimemwa vyetu vyokomake.”

Na ryama komurungu kutja omundu tji u hi nomatjiukisiro omasemba u kara novarande ovaṱiṱi mo nao otji u kara notjitjamurongo otjiṱiṱi tji tja hiti. 

Ma ningire ovaperende ovakwao va Namibia okuungura kumwe ve verekasane nokuyera onḓengu yoviungura vyayo pamwe nehupo moupapi nouparanga waro na ningire kutja ovaperende avehe ve tjangise nokuyezurura ozongetjesa zawo oveni.