ONANDJOKWE -Omukulunhuwiliki wouhaku moshitukulwa shaShikoto Josua Nghipangelwa okwa ti okwa monika ehangano lipe tali tungu okanyofi koshipangelo shaNandjokwe.
Okwa koleka ta ti oilonga yokutunga okanyofi koshipangelo okwa li ya kanghama manga molwaashi ehangano olo kwa li tali tungu la dopa okuwanifa po oilonga yalo.
Nghipangelwa okwa ti paife okanyofi otaka tungwa kehangano loAuguste 26.
“Oilonga aishe otai ende nawa.
Otwa teelela okanyofi opo ka pwe momudo tau ya,” ta ti.
Okwa weda po ta ti fiyo opa pa kape na oupyakadi wa didilikwa kehangano olo paife tali tungu okanyofi.
Okwa popya ta ti okanyofi oka li ka tamekwa okutungwa momudo 2018 ashike inaka pwa molwashi ehangano la dopa okuwanifa po oshinakuwanifa sha lo.
“Okanyofi otaka kala oko kakula moshilongo molwaashi otamu ka kala eembete 90,” ta ti.
Okwa ti okanyofi otaka tungwa kongushu yoshimaliwa eemilliona N$50.
“Okanyofi otaka kwafele ovakainhu ve lihumbata opo va kale popepi noshipangelo,” ta weda po.