Minista guunamapya Calle Schlettwein okwa ti iilonga yomeya ngoka taga andjanekwa moshitopolwa shaHangwena niitopolwa yilwe konooli otayi ende nawa. 

 Schlettwein okwa popi ngaaka oshiwike sha zi ko sho kwali a talelepo ooproyeka dhoka nkene tadhi longwa monooli. 

 “Ondu uvite nawa oshoka iilonga otayi ende nawa, naamboka ya pewa otendela oyetu kwashilipaleke kutya otaya longo nelalakano lyokumana pethimbo ndyoka lyuuvanekwa,” ta pandula ngaaka. 

 Ta ti oproyeka ndjoka onene yoku kutha omeya ngoka ga ningo omasiku taga popiwa, ge li gokohi yevi moshitopolwa shaHangwena ngaashingeyi oyili metifa niilonga otayi longwa nawa.  “Oproyeka ndjoka ota yi kotha oshimaliwa shoomiliyona N$250, noyi inekelwa yika kwathele onooli ayihe, 

 “Omakonakono oga ulike kutya othithiya ota yi vulu oku gandja omeya gayela ogendji lela,” Schelttwein ta ti ngaaka. Schlettwein ta ti ngaaka. 

omakonakono oga ulike wo kutya othithiya otayi vulu oku andjaneka omeya ogendji uule woomvula odhindji. 

 Ta ti ondama yoku opaleka omeya yaShakati nomulonga gwaKunene oyo ashike ya kala onzo yoku andjakaneka omeya ogendji goku nwa moonoli, mwa kwatelwa Eenhana. 

 “Otwa dhimbulula kutya oku kala twa inekela onzo yimwe ayike yoku andjakaneka moshilongo ita shi gwanene ompumbwe yomeya ndjoka ta yi koko, sho osho nee sha eta tu tule miilonga opoloyeka ndjika,” Schlettwein ta popi ngaaka.

 Ta fatulula kutya Iinyangwadhalwa ya kwatelwa mopoloyeka ndjoka ongaashi omunino gwoku tondoka omeya guule wookilometa 203, oku fula oomboola dhomeya dhi li ne, oku tunga oondama dhoku pungula omeya dhi li ndatu yimwe ota yi tungwa mOmafo, yimwe omOmakango, nonkwawo kOndombe.

 Onzo ndjoka onene yomeya gokoshi yevi oyali ya monika moshitopolwa shaHangwena momimvo 12 dha piti. 

 Otaku tengenekwa onzo ndjoka yi na uunene wookilometa 40 nuule wookilometa 70 yi na omimvo dha Konda po 10 000. 

 Okwa tegelelwa yika pe oshitopolwa omeya uule womimvo dha konda po 400.