Mulisa Simiyasa 

OTJIWARONGOS – Otjozondjupab ǀHûǁarebese ra ǂGari-aihe !Hū!âdi ǀAwemā!nans ge ge ǂanǂan, ǀaweǁguigu !nân hâ !khaisa ǁnāpa hâ 27 ǁgâuǂnamigu hîa mā-ams ose Tsumkwes Huriǂoas tsî Okakararas !garo!ā ǁanǁguigu !nâ a !gaesaga ūbēs ǀkha. 

Aiǂnû-aob, Otjozondjupab ǀHûǁarebese ra ǂGari-aihe !Hū!âdi ǀAwemā!nans dib, Jackson Hindjoub ge Nampas ǀkhab ge ǂoa ge wekheb !nâ ūhâ-i dî!nâǁgamǁares !nâ ge mî, mā-ams ose a !gaesa ǁgâuǂnamigu gaxu ǁaeba !goaxa tsî nau hâ ǁangāsabena ra ǁaraǂuisa, ǁîn tsîn ǀguitikōse ǂhanub di ǂgaesa xu ra ǂoaxa !gâi!gâna xu nî domdore !khaisa 

 Hindjoub ra mîsa !oan ge ǀguiǀguibe khoena kai !âgu di !hū!âde ǁgâuǂnamibasen hâ tsî nau ǀhûhâsiga !û-aib tsî ǁgamamde xu ra ǁaraǂui hoan nî domdorexuse hâna. 

ǁÎb ge ǀaro tsî a mî !khais ge, !nona mā-ams ose a !gaesa ǁgâuǂnamigu hîa 18 kilometergu gaxusiba !khoehâgu Okakararas !nâ ǂanǂuihe hâ tsî Tsumkwes 


Huriǂoas !nâ 24 ǁgâuǂnamigu, ǁaupexa ǀhaob ai 148 kilometerga ǁHa-Dub, Kameelwoods, Bubi Pos, Omatakos tsî Kanovleis !garo!āde !khōǂgā hâse. “Sida ge nē ǁguǂnamiga 18 ǀKhūǁkhâb 2025 disa xu nî ūǁnâtsoatsoa, !Hūb ǂKhamkhoen !Oabas ǁanin di huib ǀkha,” tib ge Hindjouba ge mî. ǂGuro tsoatsoas ge Okakararas di Ohamuheke 

 !garo!ās ai 18 ǀKhūǁkhâb 2025 dis ai nî hâ tsî Tsumkwes Huriǂoas di Kanovlei !garo!ās ai 24 ǀKhūǁkhâb 2025 ai nî ǀamǀamhe. 

“Sida ge ǀkharib di ǀawa!namn tsîna ǂanǂan hâ in ǁnāpa hâ nē ǁgâuǂnamiga da ra ūǁnâ soagu ai,” tib ge Hindjouba noxopa ǀaro tsî ge mî. 

ǁNā ǀhonkhoen nēti ī mā-ams ose hâ ǁnâuǂnamigu din tsîn ge ǂanǂan!nâhen ra sîǂkhanidi, ǂHanub mîǁguib nēti ī dā!harode ūs disa ge māhe. 

!Nakaǂnôa direkteri, !Hū!âdi !âb !ereamxasiba Otjozondjupa ǀkharib !nâ tanihâb, Gotlieb Elifab tsîn ge nēti ī mā-ams ose a !gaesa ǁgâuǂnamigu di ūǁnâs ǁaegu !nâ nî am! nâ xa.