Auleria Wakudumo 

Ngoloneya woshitukulwa shaTjozondjupa John // Khamuseb okwa indila oshiwana shomoshitukulwa shaTjozondjupa opo shi ka tale ko omaufemba avo oshilongo pefimbo. 

/ /Khamuseb okwa ti oumutwe voshilongo ve fike po4 064 inava ka talwa ko natango, eembapila domaindilo a yooloka di li 85 osho yo eedjapo deehombo 14. 

Ngoloneya okwa holola yo kutya ombelewa yoikwameni onghene tai twikile okuyandja omayakulo kovakwashiwana vomoshitukulwa shaTjozondjupa. 

Omayakulo taa yandjwa mouministeli woikwameni omwa kwatelwa eedjapo domadalo, eedjapo domafyo, eedjapo deehombo, oumutwe voshilongo nokutula mo eindilo lokupula epitikilo loufemba wonhumba wa kana. 

“Momukokomoko womudo 2024/2025, ombelewa yoikwameni oya pondola okushangifa eedjapo domadalo di fike po6 524. Eedjapo 2 973 oda shangifwa komunute waxuuninwa,” //Khamuseb ta ti. 

“Ngoloneya okwa ti oshikondo otashi longifa paife omalungula okuninga eedjapo domafyo moipangelo yepangelo aishe nomoupangelo vanini vamwe moshitukulwa,” Ngoloneya ta ti. 

“Okudja eshi ombelewa yoikwameni ya tameka okulongifa omalungula, ova mona omaindilo e fike po 7 710, mwa kwatelwa omaindilo 2 940 ape namakwao a wedwa po,” // Khamuseb ta ti. 

Nonande vamwe tava ende okaendanamhadi oku ka tala ko omaufemba avo, ovanhu 10 602 ova ka tala ko oumutwe wavo. 

Ombelewa yoikwameni onghene tai twikile okweeta omayakulo popepi noshiwana. 

Ovanambelewa ohava i moshiwana okushangifa eedjapo domadalo, okushangifa oumutwe noufemba wa fimana wa yooloka. 

-wakudumoauleria@gmail.com