KATIMA MULILO – Mubusisi wa sikiliti sa Zambezi Dorothy Kabula ubulela kuli kubona kuli mapurojekiti ambweshafaza bupilo bwa batu ni kushangulela sicaba litaba zende kona lika zaka ndwendukela hahulu. Nabulezi zeo kanako yakufitisa manzwi ahae hala Mayemo a Sikiliti apili amano ketwa kuba mubusisi wa sikiliti sa Zambezi. 

Naize kikwabutokwa kuli sikiliti sisebelisa mubu osisweli kulima masimu amatuna, mi naize masheleñi ase alukisizwe kumbweshafaza ni kutusa simu ya mupunga yecuñuta ya Kalimbeza. Kabula naize butata simu yetuna inosi yefumaneha mwa sikiliti italimana ni bona kitaba ya patalaza. “Purojekiti ina ni mubu olikana lihekele zemyanda yemibeli kazemashumi amabeli kazelobañwi obeilwe mwalukwakwa, kono kimubu feela walihekele zemyanda kazemashumi aketalizo okona kulimiwa,” nekubulezi Kabula. 

Nazwezipili kutalusa kuli “mwasilimo sesi tatubiwa, mubu walihekele zemashumi amalalu ka ‘alobapeli nolimilwe, fone kukutuzwi mupunga obeya hahulu wabuima bobulikana likiti ze mashumi asupile ka asupile (77 tonnes) ni mupunga obunolo olikana buima bwa likiti zemashumi amalalu ka alobapeli (38 tonnes). Luna ni sepo ya ku ekeza kutulo kwa purojekiti yeo mi luka swalisana ni likolo leli lukela kuli luzwelepata. Neni bulezi haniketiwa kuba mubusisi kuli njimo ikaba fonika ndwendukela ili kuli sikiliti sa Zambezi sikone kufepa naha kaufela.” 

Mapurojekiti amañwi abutokwa sikiliti sika talima kungelezi cwalo nikuhulisa sipatela sa Katima Mulilo kuli ibe sipatela sesina ni lisebelezo zepahami, hamoho cwalo ni kuyaha ofesi kwa munzi opatalalizwe wa Kongola, sina masheleñi halukisizwe kale.