Taimi Haihambo 

Okudilila molopota yopolifi i na sha noiningwanima yomexuliloshivike, opolifi vati oya kwata omwaalu wovanhu ve li omuwoi, omo mu na ovalumenhu vahetatu nomukainhu umwe, okudilila meedolopa da yooloka shi na sha nekwatafano lomapangwe. 

Moshiningwanima shotete omu na ovakalimo vokoshitukulwa shErongo ve li vane, ovo va kwatwa mekwatafano lomapangwe. Wotete omukainhu weedula 25 oo a hangika nomapangwe ocannabis i na ongushu yoN$4 700. 

Ovalumenhu vatatu, veedula 30, 35 no41 ova tulwa moipandeko konima va hangika nomapangwe e na ongushu yoN$63 060. Moshiningwanima shikwao ovalumenhu vavali veedula 30 no61 koRehoboth navo ova tulwa moipandeko, konima eshi va hadwa kopolifi ndela tava hangika nomapangwe ocannabis e na ongushu yoN$4 250. 

Olumumenhu weedula 33, osho yo omulumenhu weedula 20 natango ova tulwa moipandeko koOtjozondjupa nokOmaheke eshi va hangika nomapangwe omandrax e li molupe leepela. Umwe vati okwa hangika noupela ve li 35 ve na ongushu yoN$4 200, omanga mukwao a hangika noupela ve li 27 ve na ongushu yo N$3 2 400. 

Ovafekelwa aveshe ova li va teelelika okukala va holoka momhangu onghela, nokonakono opolifi otaa twikile. 

-taimihaihambo2000@gmail.com