Taimi Haihambo

Eenhana – Ounona vena omaulema a yooloka kofikola Eenhana Primary School ova mona efilonghenda Etivali, eshi va pewa ongulu omo tava ka longelwa.

Ponhele yokutuma ounona vena omaulema ayooloka kofikola kEluwa nokeefikola edi danhuninwa ounona veli moukwatya woludi eli, ovahongi vokEenhana Primary School moshitukulwa shaHangwena, ova tambulako ounona noku vaidilila voo ve va longe. 

Ashike nande ongaho omukulunhufikola wopEenhena Primary, Helena Kangalange okwa ti, ova kala vena omhumbwe yakula yonhele apa tava dulu oku kala hava longele ounona ava, oku vata takamifa oshoyo oku vapa efilo shisho la wana nawa.

“Ounona ovakala hava longelwa motenda omo va kala tava monenemo oixuna konghalo yomhepo ngaashi odula, omhepo, outalala nomutenya. Eshi ndamona onghalo yau ka kowii, onda pangela omangela opo ounona ndi va tule mokanduda kamwe kalipo kokutuvikila, ashike okwa li velimo vafinanamo,” Kangalange ta ti. 

Konima vati onghalo younona oya kakuma mayola wodoolopa yaEenhana Omri-Onn Kavandje. Kavandje okwa kakango omakwafo komahangano atatu, ehangano lo Karl-Heinz, Manuela Feichtinger Foundation no Lion Club, oko vati akendabala okumona omwaalu woshimaliwa ufikike poN$ 805 000.

Kavandje okwa ti okwalwa olwoodi eli mokuongela oimaliwa fiyo va wanifa etungo lopamufika uli nawa, va dule okutulamo ounona ava, voo valonglwemo vamanguluka.

Ngoloneya woshitukulwa Kadiva Hamutumwa oo naye ali poshitufi okwa ti  okwa pandula elelo doolopa yaEenhana, opamwe novahongi eshi vena epaya lakola loufike pamwe. “Tangi eshi mwatambula ounona ava nokuvafila oshisho, voo va kale veudite kutya ova valulwa ngaashi ounona vakwao,” ta ti.

Ofikola ei fiyo opapa odo ashike daetapo  ediladilo noshinakuwanifa shokutambulako ounona ava, voo va kale veli momudingonoko umwe, ponhele yokuvatuma keefikola ngaashi Eluwa. Ashike nande ongaho vati ouministeli wehongo owaya meenghundafana neefikola dikwao dili moshitukulwa eshi, opo di tameke opologalama yoludi eli.

taimihaihambo2000@gmail.com