ONGWEDIVA – Omukainhu weedula 29 ota holoka nena momhangu yamengestalata waShakati eshi a kwatwa po shaashi vati a shinga po otuwa yakahewa kaye ina pewa epitikilo ndele te i denge mopaala yolusheno. 

Oshiningwanima osha ningwa Etivali efimbo loufiku pondingosho yedina Tafel Bar mOngwediva pefimbo olo kwa li tava nu omalodu pamwe nakahewa kaye. 

Omukulunhu koshikondo shokukonakona oimbuluma moshitukulwa shaShana omupedukomufala Fredrick Ndjadila okwa hokolola ta ti omukainhu ou okwa ninga omafiku ta kongwa kopolifi fiyo ta kwatwa po onghela. 

Otaku hokololwa kutya efiku loshiponga sha ningwa omukainhu okwa faduka po. 

Opolifi oya hokolola tai ti omufekelwa okwa ya motuwa yakahewa kaye ndele te i shingi po e li koshi yodungo ye ke na sha omukanda wokushinga. 

Otuwa oya mona oshiponga komesho ashike omufekelwa okwa nuka mo ina mona oshiponga. 

Otaku hokololwa kutya okudja opo ova tameka tava tanguna namwene wotuwa fiyo opolifi tai fiki ponhele opo. Eshi opolifi ya fika omukainhu ou okwa faduka po ndele ta ka hondama. 

Opolifi oya ti efiku olo ovanambelewa voNored navo ova fika molwopaala yolusheno omo mwe lidenga otuwa. 

Ota pangulilwa oshibofa shokushinga ehe na omukanda osho yo oshibofa eshi a faduka po opolifi. 

-fhamalwa@nepc.com.na