Likwambuyu wa Masheleñi Ericah Shafudah Labubeli na kenisize kuli katengo ka kabona za kutusa babanca ku eza lipisinisi ili ka ka zibahala ka National Youth Entrepreneurship Fund (NYEF), kalela cwañi kutusa babanca ni kuhulisa sifumu.  

Shafudah nahatelezi kuli katengo kayelela ni milelo ya naha yakutahisa zwelopili, mwatasi teñi likolo lifilwe musebezi wakuhulisa katengo ka NYEF ni kufumana masheleñi alikana bolule bamyanda iketalizoho. “Mulelo wa masheleñi ao kikutusa babanca kutahisa, kubabalela ni kuyandulula lipisinisi za bona mwa likalulokalulo kaufela za sifumu,” nekubulezi Shafudah. 

Hana bulela mwandu ya milao, naize katengo ka NYEF kafilwe musebezi wa kubona kuli kuba ni lipisinisinyana ze zwelapili ni kuyelela ni mulao one unyatezwi kikatengo ka makwambuyu kasilimo sa 2024, buka ya lisepiso ya kopano ya Swapo ni milelo ya naha yakutahisa misebezi.

Shafudah nahatelezi kuli kuitinga feela fa nzila iliñwi kusupelize kwamulaho kuli kutisa tiyeho ni lisitataliso kufumana kwa masheleñi. Kamukwaocwalo, Panka ya Zwelopili ya Namibia, katengo ka Environmental Investment Fund, Agribank, ni NamPost baka beleka hamoho ku aba masheleñi. 

“Maofesi ao aka beleka mwatasa litaelo zeswana zeyelela ni milao ye zibahala, kutahisa tuso ya masheleñi yefiwa kubabanca ba balukela,” nekubulezi Shafudah.

Masheleñi akafumaniwa aka lumelela kuli ano bulukwa hape mwa lipisinisi zeswana, ili kuli akone kutusa babañwi ni kuhoha lisebeliso zeñwi. Likwambuyu naize katengo ka NYEF ha ka ka kala kusebeza kaitekezwi kutusa sicaba sesi kungulezwi kwa tuko ni kutusa kufelisa bubotana ni kutahisa mupilelo wambwesha kubabanca. -Nampa