Iuze Mukube 

Posruwo sokukondja asi ngano vavapwagese mefutiro nkera moumbondo nye ou una kara ngesi kompanguro, murugani gwanare mokampani zomaholi ndi asi Namcor katente asi evango nye eli lyaErongo Petrolium kapi lyakere melikwamo lyendi asi vayarande maholi kwendi palizuvho. 

Apa kapatanene nombudi dina kutunda kepangero asi awo kwakere nomalizuvho mokupulisira Enercon ntani Erongo Petrolium vaguse pamukuli kupitakanena omu valizuvha. 

Mokugwedako age Willemse kapatanene asi age kapi galihameseremo kokampani zaErongo Petrolium eyi yavatwarederere vakare noamakongo gokusika ko N$260 nomiliyuna. 

Age katente asi, posiruwo oso age kwahere kuruganena kumwe nokampani zedina Bachmus melizuvho lyongesefa zomaholi, eyi yina kara asi yimo zakara ngesefa nye ezi hawe ngwa unene kupitakana Erongo Petrolium. 

Nampil ngoso, etokoro kwayakere asi Bachmus kapi zina kara asi ngano zelike kampani nazivhura kuranda maholi, komitiye zomakongo yipo nye zatokwere kurandesa momazuva tupu 60, kukwama ngendeseso zawo. Willemse katente asi kampani zaBachmus kwayahundilire Namcor asi ngano varande maholi gokusika ko N4 10 miliyuna ano vahepa nye kugwana maholi gokusika koyimaliwa N$180 zonomiliyuna, awo kwapitakanene nye nsonso ezi zakarapo momalizuvho noyimaliwa yokusika koN$30 nomiliyuna. 

Age kayizeresere asi konyima nye zokuyayitarurura nawa, Bachmus kwakumoneka asi kuvhura afute makongo gendi omu agusa maholi makura awo yipo nye zavapulisilire komitiye zomakongo asi kuvhura kugusa vafute momazuva 60. Simpe kafatwilire asi mokupitakanene kurandesa maholi kwaBachmus nonomiliyuna N$180 kapi yina kara asi epuko, nampili ngomu vana pitakana no N$30 miliyuna nye simpe kapi yina kara epuko kukwama noveta dawo. 

Willemse katente asi eyi yokugava makongo kwakara momawoko gokampani nokutara asi ngapi avarugana nomuzakuza kampani komeho, mokutara asi kuvhura kuvapandura ndi nokuvhurasi kuvapandura kukwama omu vakara nomakongo gawo. Simpe kagwedeko asi yokulirandesa momakongo kapi yina kara asi nampo kutara omu avarugana, ruha nye oro kwarupere asi vahepa kugwana nsonso zomutero zina kusika ko N$600 miliyuna dogoro ko N$5.4zonobiliyuna. willemse katente asi mokukwama nye omu ngesefa ezi zomaholi negendeso lyazo elikwamo eli lyokupitaka nsonso zomakongo koNamcor simpe kuvhura kuyirugana nayina ngesi. 

Nombudi nye dina kutunda kepangero asi age kwakara nonoaccounts dononzi, vahepa kudidiva asi noaccounts edi dokurundurura tupu silinga. Noaccount edi kwadiruganesa tupu dofuta yimaliwa kovana vendi ava avadimbire konkurusure zaNamibia ntani kwavatura konopolicy dawo derongo. 

Mukarelipo epangero hawe age kageve umbangi wendi komeho akapatanese eyi vana kugava, nokutantera epangero asi age kapi gakara nonongombe edi navhura kurandesa. -mukubeiuze@gmail.com