Taimi Haihambo 

Omakemo ovahongi fikola vokofikola kOnamishu mushitukulwa shaShikoto, ena sha nokombifa yokutelekela oshoyo osaala yokulila, osho audika. 

Omupopiliko wepangelo lopashitukulwa Petrus Nehale kwa ti Onamishu ofikola imwe hai piti nawa, noya pumbwa lela ekwafo. 

“Elelelo loshitukulwa ola twa kumwe eenyala opo li yandje oN$220 000, ika tunge oshililo oshoyo okombifa yokutelekela ili pondodo ili xwepo,” ta ti. 

Okwa ti shima ofikola yatungwa pondodo ili ngaho, nayo itai dulu okuya moshivalo shoku pewa oikulya kouministeli wehongo. 

Omukulunhu fikola woko Namishu combined school Ester Iita okwa ti ediladilo loluku eta omuhandjo wovanafikola pofikola ovakala nalo efimbo lile, nondjodi yavo ovei twifa mo2021 eshi omatungo avo avali oipeleki aka fikama. 

“Eshi twa kendabala oku fikameka omatungo etu, otwa twikila oku etapo okatala kokutela oko keli monghalo iheli naana nawa, fyee katuna ekulo. Ounona ohava lile ashike momumbwalangadjo ngaho,” ta ti. 

Okwa ti konima epangelo ole keva tungilapo ngaho omatungo eli avali ekuma limwe olo vamati, likwao oloukadona. 

“Otuna ovanafikola veli o86 ndee keshe meboloka omuna ashike eembete dili 32, osho sha fininika ovanafikola vakale hava nangala vavali kokambete kamwe vafinana,” ta ti. 

Vati ngeenge tashiya poikulya ovanafikola oha ppulwa vaete o N$ 1800, oyo haitukulwa lutatu yee keshe omunafikola ta eta omafalele ahamano oikando lili itatu modula oku landa oikulya. 

“Komabada yoimaliwa, ovanafikola ohava pulwa yoo va ete omaufila, omavanda, omakunde neembidi opo di wedafane noimaliwa ei tava eta,” ta ti. 

Iita okwa ti ovanafikola vamwe ihava dulu okuyamo momuhandjo shaashi haa veshe hava wanifa ondado ei yatulwapo. Ashike vamwe ohava ningi ngaho elao shaashi ovahongi vamwe ovanamutima nghenda, oha vevafutile ashike odula aishe. 

Onghalo ei vati oyo nee yeva fininika, opo vaka konge ekwafo kelelo loshitukulwa shaShikoto. 

Iita okwa holola olupandu laye lakula kelelo loshitukulwa. Okwa ti yee kali eshi teelela, nouwa uli ngaha otau akwafa ofikola yaye neenghono. taimihaihambo2000@gmail.com