Matheus David

Masholi baketalizoho bane bashimbile litobolo nebakeni kakapelezo kwa sikolo sa banana sa Pikkie Paradys mwa Kleine Kuppe, mwa Windhoek, ni kubaleha ni masheleñi afitelela N$100 000 Lamubulo. 

Sibuabui wa sipokola sa tolopo ya Windoko Marceline Murapo naize baba kulubelwa nebakeni fasibaka sa kuamuhela baeñi bashimbile litobolo ni litipa, mi bazwelapili kusupa mubeleki ya amuhela baeñi tobolo.

Kukulubelwa kuli kasamulaho akukubyanisa muleki ya amuhela batu, baba kulubelwa babalalu, nebakeni mwa ofesi kakapelezo teñi basali bababeli nebasweli kubeleka. Basali bababeli neba sabisizwe kalitobolo, nikubulelelwa kuli batise mali. Kasamulaho kiha babaleha mwa motikala ya mufuta wa Mazda Demio.

“Hakuna masheleñi afumanehile kutisa cwale, kono lipatisiso lizwelapili. Lukupa limembala za sicaba kutaha ni bupaki bobuka lutusa kuswala babakulubelwa,” nekubulezi Murapo. Sipokola sa tolopo si susuelize bayahi ba tolopo kutokomela nako kaufela.