KATIMA MULILO – Muuna walilimo zemashumi aketalizoho kasilisiñwi natimezi Lasabata kakusasana, amano tasezwa ki kubu kwa Hotela ya Protea. Nyandi nazibahalizwe kuba Chawila Muñalisa Lukonga, ili yene ili malonda kuzwelela kampani ya malonda ya Katima.

Kukulubelwa kuli situpu sa nyandi nesifumanwi fafasi kanako ya 06h00
kwa Hotela ya Protea ki malonda yomuñwi yana beleka ni nyandi. Malonda wa musali nabulelezi mapokola kuli kanako ya 05h00 nebali hamoho kwa muzuzu wa kulibelela nyandi ha nanuha kuli ayo talima talima.

Kanako ya 06h00 malonda wamusali haya kuli ayo timisa liboni lelili bukaufi ni hotela ayo fumana situpu sa nyandi, abona cwalo ni mutala wa kubu. Situpu sa nyandi hape nesibonahala kuba ni likolofalo zene tisizwe ki meeno akubu famba, kwa liutu ni kwa toho. 

Bahabo nyandi neba zibisiwe, mi situpu sa hae nesi isizwe kwa lipumulelo la Katima Mulilo. Lipatisiso za mapokola lizwelapili.